Mahanisiha 3.605

3.605

tahā goyamā ṇaṃ pavvajjā divasappabhiīe jahutta-vihiṇo vahāṇeṇaṃ je keī sāhū vā sāhuṇī vā apuvva-nāṇa-gahaṇaṃ na kujjā, tassāsaiṃ cirāhīyaṃ suttatthobhayaṃ saramāṇe egagga-citte paḍhama-carama-porisīsu diyā rāo ya nāṇu guṇejjā, se ṇaṃ goyamā nāṇa-kusīle nee|
se bhayavaṃ jassa aigaruya-ṇāṇāvaraṇodaeṇaṃ ahannisaṃ pahosemāṇassa saṃvacchareṇā vi siloga-baddhamavi no thirapari-ciyaṃ bhavejjā se kiṃ kujjā goyamā teṇā vi jāvajjīvābhiggaheṇaṃ sajjhāya-sīlāṇaṃ veyāvaccaṃ, tahā anudinaṃ aḍḍhāijje sahasse [2500] paṃca maṃgalāṇaṃ suttatthobhae saramāṇegagga-mānase pahosejjā|
(1) se bhayavaṃ keṇaṃ aṭṭheṇaṃ goyamā je bhikkhū jāvajjīvābhiggaheṇaṃ cāukkāliyaṃ vāyaṇāi jahā sattīe sajjhāyaṃ na karejjā, se ṇaṃ nāṇa-kusīle nee|