Uttarajjhayana p100

p100

BXOXOXXXook
phāsuyaṃ esaṇiyaṃ ca pārei | tehiṃ ca kaṭṭahāraehiṃ jaṇavayassa rāīṇaṃ ca kahiyaṃ-jahā koi mahāsatto divarūvo puriso *tavaṃ kareṃto vaṇe ciṭṭhai | tao te narāhivā saṃkhuddhā ciṃtaṃti-koi amhāṇamuvari tavaṃ karei vijaṃ vā sāhei rajakaṃkhī, IX |tā gaṃtūṇa taṃ viddhaṃsemo | tao sannaddhabaddhakabayā nāṇāvihagahiyapaharaṇā vivihajāṇavāhaṇasamārūḍhā gayā rāmarisisamāsannaṃ | io ya teṇa siddhatthadeveṇa bhagavao rāmarisiṇo pāyamūle mahākarālamuhā bībhatthadaṃsaṇā tikkhanaharaggadāruṇasamujayā vihuyakesarasaduppāyā viubbiyā sīhasaṃghāyā| tao te nariṃdā dūrāo ceva bhīyā paṇamiūṇa mahappabhāvaṃ baladevarisiṃ duyaṃ paḍiniyattā gayā niyaniyadhāmāī | 'loe narasīho' tti khāī gao baladevo tti | evaṃ so bhagavaṃ aṇudiyahaṃ ubasamarao tavaṃ karei | tassa ya sajjhāyajjhāṇadhammakahāhiṃ akkhittacittā vagdha-sīha-cittaya-sasa-saraha-saṃbara-hariṇāiṇo bahave | uvasamaṃ gayā | ke vi sāvayattaṇaṃ pattā, kei bhaddayā jāyā, kei aṇasaṇaṃ paḍivannā, kei kāussaggeṇa ṭṭhiyaṃ uvaviṭṭha vā pāsaparivattiṇo paricattamaṃsāhārā rāmarisiṃ pajuvāsaṃti | tattha ya hariṇajuvāṇo ego bhagavao rāmamuṇiṇo puvabhava. saṃbaddho jāīsaro ya aīvasaṃvegamāvanno jattha bhagavaṃ rāmamuṇī bhikkhāikajje viharai tattha tattha maggao pahāvai | annayā baladevo vi māsapāraṇae bhikkhaṭṭhā egammi nagare pavisaṃto egāe taruṇīe kūvataḍaṭṭhiyāe kubajalaṃ kaḍḍiukāmāe diṭṭhigoyaraṃ gao | tao tīe baladevarūvāisayakhittahiyayāe taggayacittattaṇao kuḍayakaṃṭhabhaṃtīe niyakaḍiyaluttāriyaputtassa kaṃṭhe pāso dinno, tao obārio kūve | eyaṃ ca baladeveṇa diṭuṃ, tao saṃvegamuvagao-'aho ! me deho vi aṇaṭṭaheū pāṇiṇaṃ' ti ciṃtiya taṃ ca bālayamaṇukaṃpāe moyāveūṇa tā 'saṃpayaṃ jai tatthaḍhio itthiyāhiṃ adissamāṇo bhikkhaṃ labhissāmi sā gihissaṃ na annahā' evamabhiggahaṃ giṇhiya io ceva niyattiya taṃ ceva vaṇaṃ gao| annayā ya pahāṇadārunimittaṃ rahayārā tattha vaṇe āgayā rukkhe chidaṃti | baladevo vi māsapāraṇae bhoyagujaesu tesu bhikkhaḍā gao | hariṇao vi magga
XXXXXXXXXX