Uttarajjhayana p101

p101

yā
śrīuttarādhyayanasūtre śrīnaimicandrīyavṛttiḥ
dvitīyaṃ parīṣahādhyayanam |
||44||
maṇulaggo gao| tao baladevaṃ daṭṭaṇaṃ rahyārasāmiṇā ciṃtiyaṃ-aho ! amhaṃ puṇṇodao jaṃ narutthalīe vi kappapāyavo patto, aho ! se rūvovasamateyāisaṃpayāo, tā kayattho punnamaṇoraho ahaṃ jeṇa me risī bhikkhānimittamāgao, tā kare|mi eyassa bhikkhādāṇeṇa vigayakalusamappāṇaṃ ti ciṃtiūṇa sirammi kayakaraṃjaliuḍo dharaṇiyalanihittajāṇujuyalaṃ paṇamiūṇa bhattapāṇaṃ gaheūṇa samuṭṭhio| muṇiṇā vi 'dava-khetta-kāla-bhāvaparisuddhaṃ' ti nāūṇa paḍiggahiyaṃ | tato teṇa dāṇaphaleṇa devaloyāuyamaṇubaddhaṃ rahagāreṇa | hariṇao vi garuyamuṇibhattiniggayabāhasamuppunnaloyaṇajuyalo vaṇachiṃdae muṇimmi ya puṇo puṇo pasannamaṃtharanibaddhadiṭṭhī ciṃtiumāraddho-aho ! dhanno kayattho esa vaṇachiṃdao, suladdhameyassa māṇusattaṃ jeṇa esa muṇivaro paḍilābhio tti, ahaṃ puṇa maṃdabhāgī kammadoseṇa tiriyajāīe jāo, asamattho erisaṃ mahātavassiṃ paḍilābhelaṃ, tā dhiratthu me jāīe !| etthaṃtare mahāvāyavihuo addhacchinnapāyavo vaṇachiṃda-baladeva-hariṇāṇamuvari nivaḍio| vimukapāṇā ya tinni vi te baṃbhaloyakappammi paumuttare vimāṇe devā samuppannā | baladevo vi varisasayasāmannāṇupālaṇeṇa visiṭṭhatararūvasaṃpayābhoyasamudao jāo| tao baladevo ohiṇā kaṇhaṃ neheṇa paloiumāraddho-jāva taiyāe narayapuḍhavīe samuppanno mahādukkhamaṇuhavaṃto diṭṭho | sigghaṃ veuviyasarīraṃ kāūṇa gao kaṇhasamīvaṃ | tattha divamaṇippabhāsamujjoyaṃ kāūṇa diṭṭho jaṇadaṇo, bhaṇiyaṃ ca baleṇa-ai bhāuvacchala! kaṇha ! kimiyāṇiṃ karemi te ? | kaṇheṇa bhaṇiyaṃ-putvakammadosasamubbhavaṃ dukkhaṃ aṇubhavāmo, na ettha koi paḍiyāraṃ kareuṃ samattho | tao baleṇa dohiṃ vi bāhāhiṃ samuppāḍio kaṇho, samuddharijamāṇo ya navaṇīyamivāyaveṇa vilijjae| tao kaṇheṇa bhaṇiyaṃ-muṃca muṃca mama suṭṭhayaraṃ dukkhaṃ samuppajjai, tā gaccha tumaṃ bharahavāsaṃ, tattha gaṃtūṇa gayā-khagga-cakka-saṃkhadhāriṇaṃ pīyavāsaparihāṇaṃ garuladdhayaṃ mamaṃ appāṇaṃ ca halamusaladhāriṇaṃ nīlaṃbaraparihāṇaṃ tālaciṃdhaṃ savaloe uvadaṃsesu | tao baleṇa 'taha' tti paḍivannaṃ | āgaṃtūṇaṃ ca divavi
||44||