Uttarajjhayana p104

p104

putto jāo 'ḍhaṃḍho' tti nāmeṇaṃ | so ya pattajovaṇo suṇiūṇa caumahavaiyaṃ samaṇadhammaṃ pariccaiya udāre kāmabhoge saṃsāraviratto bhagavao ariṭṭhanemissa sagāse nikkhaṃto | tā gahiyaduvihasikkho viharae bhagavayā samaṃ | annayā uiyaṃ taṃ puvovajjiyamaṃtarāiyaṃ kammaṃ | samiddhesu gāmanagaresu hiṃḍato na lahai kahiṃci bhikkhaṃ, jayā vi lahai tayā vi jaṃ vā taṃ vā, annassa vi sāhussa laddhiṃ uvahaṇai | tao seṇa sāmī pucchio, tehiṃ kahiyaṃ jahāvattaṃ | pacchā teṇa abhiggaho | gahio - jahā parassa lābho na mae givhiyo | āgao bhayavaṃ bāravaī | gao vāsudevo vaṃdaṇatthaṃ | pucchai titthayaraṃ - eyāsiṃ aṭṭhārasahaṃ samaṇasāhassīṇaṃ ko dukkarakārao ? | bhayavayā bhaṇiyaṃ - jahā ḍhaṃḍhaṇo aṇagāro | keṇa puṇa kāraṇeṇa ? | bhagavayā alābhaparīsaho kahio | so kahiṃ ? | sāmī bhaṇai–nayariṃ pavisaṃto pecchihisi | diṭṭho ya sukko nimmaṃsasarīro pasaṃtappā akkhaliyasatto alābhaparīsaheṇa ḍhaṃḍho aṇagāro nayariṃ pavisaṃteṇaṃ | tao bhattinibbharama|ṇeṇa oyariūṇa karivarāo vaṃdio saviṇayaṃ, pamajjiyā sahattheṇa calaṇā, pucchio ya paṃjaliuḍeṇa suhavihāraṃ | so ekkeṇa ibbhaseṭṭiṇā diṭṭho, ciṃtiyaṃ ca – jahā mahappā esa koi tavassī, jo vāsudeveṇa vi evaṃ sammāṇijjai | so ya bhaviyāyāvaseṇa tasseva gharaṃ paviṭṭho | teṇa paramāe saddhāe moyagehiṃ paḍilābhio | āgao sāmissa dāvai pucchai ya - jahā | mama lābhaṃtarāiyaṃ khīṇaṃ ? | pacchā sāmiṇā bhaṇṇai—na khīṇaṃ, esa vāsudevassa lābho tti | kahaṃ ? | kahio seṭṭhibhattikaraṇavaiyaro | tao ‘na paralābhaṃ uvajīvāmi, na vā annarasa demi' tti amucchiyassa pariṭṭhavaṃtassa akkhaliyapariṇāmassa suhabhāvaṇovagayassa apucakaraṇakhavagaseḍhīkameṇa tassa kevalanāṇaṃ samuppannaṃ, aṃtagaḍo jāo | evamahiyāsiyo alābha| parīsaho jahā ḍhaṃḍheṇa aṇagāreṇa || alābhāccāntaprāntāśināṃ kadācid rogāḥ samutpadyeran iti rogaparī pahamāha -
mā eppaiyaṃ dukkhaṃ, beyaṇāe duhahie | adīṇo ṭhāvae pannaṃ, puṭṭho tattha'hiyāsae || 32 ||
***