Uttarajjhayana p261

p261

aṣṭamaṃ
madhyayanam |
śrīuttarādhyayanasūtre śrīnemica
ndrīyā sukhabodhākhyā laghuvṛttiḥ |
kapilamuneḥ caritram |
||124||
gurūṇāṃ guruḥ | vidyā bandhujano videśagamane vidyā paraṃ devatā, vidyā rājasu pūjyate na hi dhanaṃ vidyāvihīnaḥ paśuḥ||1||" tā ahijasu vijaṃ, sāhīṇāṇi ya tuha savāṇi vijjāsāhaṇāṇi, paraṃ bhoyaṇaṃ mama ghare nippariggahattaṇao natthi, tamaṃtareṇa na saṃpajjae paḍhaṇaṃ | yata uktam-"ārogya-buddhi-vinayodyama-śāstrarāgāḥ, pañcā''ntarāḥ paṭhanasiddhiguṇā bhavanti | ācārya- pustaka-nivāsa-sahāya-valbhāḥ , bāhyāstu pañca paṭhanaṃ parivarddhayanti ||1||" teṇa bhaṇiyaṃ-bhikkhāmitteṇa vi saṃpajjai bhoyaṇaṃ | uvajjhāeṇa bhaṇiyaṃ-na bhikkhāvittīhiṃ paḍhiyaṃ sakkijae, tā āgaccha patthemo kiṃci inbhaṃ tuha bhoyaṇanimittaṃ | gayā te| do vi tannivāsiṇo sālibhaddaibbhassa sayāsaṃ | "oṃ bhūrbhuvaḥ svasti tatsaviturvareṇyaṃ bhargo devāḥ svadhīmahe" iccāi kayā uvasatthī | pucchio ibbheṇa paoyaṇaṃ | uvajjhāeṇa bhaṇiyaṃ-esa me mittassa putto kosaṃbīo vijatthī āgao, tujjha bhoyaṇanissāe ahijai vijaṃ mama sayāse, tujjha mahaṃtaṃ punaṃ vijjovaggahakaraṇeṇa | saharisaṃ ca paḍivannaṃ teṇa | so tattha jimi jimi ahijjai | dāsaceḍī ya tassa parivesei | so ya sabhāveṇa hasaṇasīlo, vigārabahulayāe jodhaṇassa dujjayattaṇao kāmassa tīe aṇuratto, sā vi ya tammi | bhaṇio ya tīe-tumaṃ ceva mama pio, paraṃ na tuha kiṃci atthi, tā mā rūsejasu, pottamollanimittaṃ ahaṃ annehiṃ samaṃ acchāmi | paḍivannaṃ teṇa | annayā dāsīṇa maho āgao| sā ya teṇa samaṃ nivinā ubiggā acchai| teṇa pucchiyā-kao te araī ? | tīe bhannai-dāsīmaho uvaḍio, mamaṃ pattaphullāṇa mollaṃ natthi, sahīṇa majjhe viguppissaṃ | tāhe so adhiī pagao| tīe bhannai-mā adhiī karehi, ettha dhaṇo nāma seṭṭhī, appahāe ceva jo ṇaṃ paḍhamaṃ vaddhāvei so tassa do suvannamāsae dei, tattha tuma gaṃtūṇa baddhāvehi | |'āma' ti teṇa bhaṇie tīe 'lobheṇa anno gacchihi' tti aippabhāe pesio| vaccaṃto ya ārakkhiyapurisehiṃ gahio baddho ya | tao pabhāe paseṇaissa so uvaṇīo | rāiṇā pucchio| teṇa sambhāvo kahio| rāiṇā bhaṇiyaṃ-jaṃ maggasi
||124||