Uttarajjhayana p262

p262

kapilamuneḥ caritram |
taṃ demi | so bhaṇai-ciṃtiuṃ maggāmi | rāiṇā 'taha' tti bhaṇie asogavaṇiyāe ciṃteumāraddho-dohiṃ māsehiṃ vatthābharaṇāṇi na bhavissaṃti tā suvannasayaṃ maggāmi, teṇa vi bhavaṇajāṇavāhaṇāiṃ na bhavissaṃti tā sahassaṃ maggāmi, imeṇa vi ḍiṃbharūvāṇa pariṇayaṇāivao na pūrei lakkhaṃ maggāmi, eso vi suhisayaṇabaṃdhusammāṇadīṇāṇāhāidāṇavisiṭṭha| bhogovabhogāṇa ṇa pajatto tā koḍiṃ koḍisayaṃ koḍisahassaṃ vā maggāmi | evamāi ciṃtaṃto suhakammodaeṇa takkhaṇameva suhapariṇāmamuvagao saṃvegamāvanno laggo paribhāviuṃ-aho! lobhassa vilasiyaṃ, doṇha suvannamāsāṇa kajeṇāgao lābhamuvaṭṭhiyaṃ daṭūṇa koḍīhiṃ pi na uvaramai maṇoraho, annaṃ ca vijāpaḍhaṇatthaṃ videsamāgao jāva tāva avahīriūṇa jaṇaṇiṃ, avagaṇiūṇa uvajjhāyahiyauvaesaṃ, avamaṇṇiūṇa kulaṃ, eīe iyararamaṇīe jāṇamāṇo vimohio, tā avitahameyaṃ"tāva phurai veraggu citti kulalaja vi tāvahiṃ, tāva akajaha taṇiya saṃka guruyaṇabhau tāvahiṃ | tāviṃdiyaha vasāi jasaha siri hāyai tāvahiṃ, ramaṇihiṃ maṇamohaṇihiṃ purisu vasu hoi na jāvahiṃ || 1|| so sukayakammu so niuṇamai, sivaha maggi so saṃghaḍiu | paramohaṇaosahisarisiyahaṃ, jo bāliyahaṃ piḍi navi paḍio ||2||" tā alaṃ suvanneṇa, alaṃ visayasaṃgaṇa, alaṃ saṃsārapaḍibaṃdheṇa | evamāi bhāvemāṇo jāī sariūṇa jāo sayaṃbuddho | sayameva loyaṃ kāūṇa devayāvidinnagahiyāyārabhaṃḍago āgao rāisagāsaṃ | rāiṇā bhaṇiyaṃ-kiṃ ciṃtiyaṃ ? | teṇa ya niyayamaṇorahavittharo kahio | paḍhiyaṃ ca-"jahā lābho tahā lobho, lāmā lobho pavaḍḍai | domāsakayaṃ kajaṃ, koḍīe vi na niṭṭhiyaṃ || 1||" rāyā
"tāvat sphurati vairāgyaṃ citte kulalajjā'pi tāvat, tāvadakāryasya satkā śaṅkā gurujanabhayastāvat | tāvadindriyāṇi vaśāni yaśasaḥ śrī rājate tāvata, ramaṇīmirmanomohinībhiḥ puruṣo vaśaḥ bhavati na yāvat ||1|| sa sukṛtakarmā sa nipuṇamatiḥ, śivasya mārge sa saṅkalitaḥ paramohanauṣadhasāśīnāṃ, yo bālikānāṃ pīḍāyāṃ na patitaḥ||2||"