Uttarajjhayana p507

p507

śrīuttarādhyayanasūtre śrīnemicandrīyā sukhabodhākhyā laghuvṛciḥ |
aṣṭādaśaṃ saṃyatīyākhyamadhyayanam|
BY-OL
mahāpadmacakriṇo vaktavyatā|
||247||
kariṇā viṇāsijjai laggo' | "evaṃ ca bhaṇaṃtīṇaṃ, pecchaṃtāṇaṃ ca tāṇa juvaīṇaṃ | kariṇā dino vijjho, kumārakhettammi uvarille ||1|| eyammi aṃtarammī, milito savo vināyarajaṇoho| sāmaṃtabhiccakalito, sahito mahaseṇarāeṇaṃ ||2|| bhaṇiyaṃca | narideṇaṃ, mā mā mā kumara! dukasu imassa| duṭṭhassa mahākariṇo, ruṭṭhassa va hayakayaṃtassa ||3||" kumāreṇa bhaṇiyaṃ-mahārāya ! peccha vīsattho,khaṇeṇa ceva vasīkaremi imaṃ mattakari ti| tato laggo kīlāviu, satthabhaṇiehiṃ karaṇehiṃ nīto samaṃ, ārūḍho vijjukhittakaraṇeṇa tammi mattagayavare | “evaṃ ca mahāpaumo, kāūṇa vasammi taṃ varagaiṃdaṃ| hatthārohassa puṇo, samappiuṃ jhatti avayarai||4|| iya so sāhukkāreṇa pūio rāyapamuhaloeṇa | devovamo kumāro, jayau imo iya bhaṇaṃtehiṃ ||5||" tato naravaiṇā vinnāyaṃ-jahā esa koi mahāpuriso pahāṇakulasamudbhavo ya, annahā kahaṃ erisaṃ rūvaṃ vinnāṇaṃ ca ?|tato neūṇa sagiha kayovayārassa dinnaṃ kannāṇa sayamegaṃ | tāhi ya samaṃ visayasuhamaṇuvaṃtassa mahāpaumakumārassa vañcaṃti diyahā, kiṃtu tahāvi taṃ mayaṇāvaliṃ sarai hiyaeṇa | annayā sayaṇīyāto rayaṇīe pasutto avahario vegavaīe vijāharīe | | divā ya nidākhaeṇa sā teṇa, bhaṇiyā ya darisiūṇa muṭṭhibaṃdhaṃ-kiṃ maṃ tumamavaharasi ? | tīe bhaṇiyaṃ-nisuṇasu kumāra!, veyaḍḍhe sūrodayaṃ nāma'thi nayaraṃ, iṃdadhaṇū nāma tammi vijjāharāhivaī parivasai, bhajā ya sirikatā, dhūyā ya jayacaṃdā, sā ya purisavesiṇī na icchai kiṃ pi pavaraṃ pi varaṃ, tato naravaibhaṇiyāe mae paṭṭiyālihiyā daṃsiyā tīe sacce vi bharahanaravariṃdā, na ya tesiṃ koī abhiruio| annayā tumha rūvaṃ daṃsiyaṃ, tato tumha rūvadasaṇāṇaṃtarameva gahiyā kāmāvatthāe, bhaṇiyā ya ahaṃ tīe-jai mama esa bhattāro na saṃpajjai tā avassa mae mariyavaṃ, annassa jāvajīvaṃ nivittī purisassa | imo ya vaiyaro mae sāhito tīe jaṇaṇijaṇayāṇaṃ | tehiṃ ahaṃ tumha āṇaṇanimittaṃ pauttā| tato tīe avīsasaṃtīe purato imā painnā mae gahiyā-"jai taṃ nāṇemi ahaṃ, rāyakumāraṃ aippiyaṃ tujhaṃ | tā jāliṃdhaṇajalie, jalaṇammi
||247||