Uttarajjhayana p508

p508

dhuvaṃ pavissāmi || 1 ||” saṃpayaṃ ca jai tumha pasāeṇa na me maraṇaṃ saṃpajjai painnā ya nivahai tā kumāra! savaṃ sohaṇaṃ, na annā | tao aṇuṣṇāyāe tīe nīo mahāpaumo sūrodae nayare, niveio ya khayarāhivassa | teṇa ya sammāṇiūṇa pavaradivase karāvio pāṇiggahaṇaṃ samaṃ tīe kannagāe | pūiyā ya vegavaī jayacaṃdāe | io ya jayacaṃdāe māḍalagabhāugā | gaṃgāhara-mahiharā nāma vijjāharakumārā aipayaṃḍā suṇiūṇa imaṃ vaiyaraṃ bhaḍacaḍayarasameyā samāgayā annamma diṇe | saṃgāmanimittaṃ sūrodayapuravare | soūṇa mahāpaumakumāro tesiṃ āgamaṇaṃ saha vijjāhara bhaḍehiṃ nīhario tesimabhiho | saṃpalaggaṃ raṇaṃ | avi ya - jujjhammi samāvaḍie, na saṃdṛṇo kuṃjaro turaṃgo vā | suhaḍo va parabalammī, mahapaumeṇaṃ na jo viddho || 1 || evaṃ ca bhayavihalaṃ jāṇiūṇa niyayabalaṃ bhaggā gaṃgāhara- mahiharā | mahāpaumo vi saṃpattajato samuppannaitthirayaṇavajjasavvarayaṇo laddhanavanihī battīsanarīsarasahassasevijjamāṇo pariṇīegūṇacausadvisahasteuro haya-gaya| raha pāika- kosasaṃpanno pasariyapayāvo jāo navamacakkavaṭṭi tti | tahā vi – “chakkhaṃḍabharaharajjaṃ, mannai so nīrasaṃ samiddhaṃ pi | mayaṇāvalīe rahiyaṃ, jaṇamejayarāyaduhiyāe ||1||" annayā ya āsamapayammi gayassa tāvasehiṃ vihiyasammāṇassa pavarapupphaphalāiehiṃ sayadhaṇuputtreṇa dinnā jaṇamejaeṇa mahāpaumacakkavaṭṭiṇo mayaṇāvalī itthirayaṇaṃ | pariṇīyā ya mahāpaumeṇaṃ | tato ya mahāvibhūīe cakkavaṭṭiriddhisameo gato hatthiṇāuraṃ nayaraṃ, paviṭṭho ya thunamāṇo baṃdiyaṇeṇa | paṇamiyā ya teṇa jaṇaṇijaṇayā | tehi ya samāitthio guruneheṇaṃ ti | itthaṃtarammi ya tattheva samosarito muṇisuvayasāmisīso subao nāma sūrī| tato niggato saparivāro paumottaro rāyā, vaṃdiūṇa ya taṃ nisanno | bhayavayā vi kayā ranno bhavanidheyajaṇaṇī dhammadesaṇā | rāyā vi taṃ soūṇa bhaṇai – bhagavaṃ ! jāva rajjasutthaṃ karemi tāva tubbhaṃtie pavaissāmi | tato 'mā vilaṃba kuṇasu' tti bhaṇito sūriṇā | puṇo vi paṇamiūṇa guruṃ paviṭṭho rāyā nayariṃ | tato vāhariā maṃtiṇo saha
XCXCXB

mahāpadmacakriṇo