Uttarajjhayana p541

p541

ekonaviśaṃ mṛgāputrīyākhyamadhyayanam|
mṛgāputravaktavyatā|
||264||
vaitariṇījalomibhiriti śeṣaḥ, "vivāito" ti vyāpāditaḥ|| mudrādimiḥ, gatāḥ-naṣṭā āśā:-manorathā yasmiṃstad gatāśaṃ yathā bhavatyevam , "bhaggagatteṇaṃ" ti bhagnagātreṇa satā || 'kalpitaḥ' khaṇḍito vastravat 'pāṭitaḥ' ūrddha dvidhākṛtaḥ, 'chinnaḥ' tiryak khaṇḍitaḥ, 'utkṛtaḥ' tvagapanayanena | 'bādhitaḥ' pīḍitaḥ 'baddharuddhaśca' tatra ruddhaḥ-bahiḥpracāraniṣedhanena || 'galaiḥ' baḍiśaiḥ makaraiḥ-makararūpaiḥ paramādhārmikaiḥ jālaiśca-pratītaiḥ anayordvandvaḥ | “ullito" tti ullikhitaḥ galaiḥ, pāṭito makaraiḥ, gṛhītaśca jālaiḥ, māritaśca sarvairapi || vīn daśantīti vidaṃśakāḥ taiḥ śyenādibhiḥ 'jālaiḥ' tathāvidhabandhanaiḥ "leppāhiṃ" ti 'lapaiḥ' vajralepādibhirgṛhītaḥ, vidaṃśakaḥ 'lagnaśca' śliṣṭaḥ, lepairbaddho jālairmāritaśca sarvairapi || 'kuṭṭitaḥ' sūkṣmakhaṇḍīkṛtaḥ capeṭā-muṣṭyādibhiḥ 'kumāraiḥ' ayaskārairaya iva ghanādibhiriti gamyate, 'tāḍitaḥ' āhataḥ
kuṭṭitaḥ chinnaḥ 'bhinnaḥ' khaṇḍīkṛtaḥ 'cūrṇitaḥ' ślakṣṇīkṛtaḥ || 'kalakalayanti' atikkāthataḥ kalakalāśabdaṃ kurvanti || tava | priyāṇi māṃsāni 'khaṇḍāni' khaṇḍarūpāṇi 'sollagāni' bhaṭitrīkṛtānīti smārayitveti śeṣaḥ | 'surādīni' madyaviśeṣāḥ, atrā'pi smārayitveti śeṣaḥ || "niñcami"tyādi narakavaktavyatopasaṃhartṛ sūtratrayam | atra ca 'bhītena' utpannasādhvasena trastana' udvinena 'duḥkhitena' jātavividhaduḥkhena 'vyathitena ca' kampamānasakalopāṅgatayā calitena, tībrāḥ-anubhāgato'ta eṣa caṇḍāḥ-utkaṭāḥ pragāḍhā:-gurusthitikāstata eva 'ghorāḥ' raudrāḥ 'atiduḥsahāḥ' atyantaduradhyāsāstata eva mahābhayāḥ |'bhīmāḥ' śrūyamāṇā api bhayapradāḥ, ekārthikāni caitāni, iha ca vedanā iti prakramaḥ, kathaṃ punastāsāṃ tībrādirūpatvam ? ityāha-"jārise"tyādi || na kevalaṃ naraka eva duḥkhavedanā mayā'nubhūtāḥ, kintu sarvāsvapi gatiṣu iti | etadevāhasarvabhaveṣu asātāvedanā veditā mayā nimeṣāntaramātramapi yat sātā nāsti vedanā, vaiṣayikasukhasyeādyanekaduḥkhānuviddhatvena asukharūpatvāt | sarvasya cāsya prakaraṇasyā'yamāśayaḥ-yenaivaṃ mayā duḥkhānyanubhūtāni so'haṃ kathaṃ tattvataḥ
||264||