Uttarajjhayana p636

p636

XXXXX
muhapattiṃ paḍilehittā, paḍilehijja gocchayaṃ | gocchgalaiyaṃgulio, vatthāī paḍilehae || 23 || uḍuṃ thiraṃ aturiyaṃ, puvaṃ tā vatthameva paḍilehe | to biiyaṃ papphoḍe, taiyaṃ ca puṇo pamajjijjā || 24 || aṇañcāviyaṃ avaliyaṃ, aṇāṇubaṃdhiṃ amosaliṃ ceva | chappurimā nava khoḍā, pāṇīpāṇivisohaṇaṃ 25 ārabhaḍā sammaddā, vajjeyavā ya mosalī taiyā | papphoḍaṇā cautthī, vikkhittā veiyā chaṭṭhā || 26 || pasiḍhila - palaṃba-lolā, egāmosā aṇegarūvadhuṇā | kuṇai pamāṇi pamāyaṃ, saṃkie gaṇaṇovagaṃ kujjā|| aṇūṇāiritta paḍilehā, avivaccāsā taheva ya | paḍhamaṃ payaṃ pasatthaṃ, sesāṇi u appasatthāṇi || 28 || paḍilehaṇaṃ kuṇato, miho kahaṃ kuṇai jaṇavayakahaṃ vā | dei va paccakkhāṇaṃ, vāei sayaṃ paḍicchai vā 29 puḍhavī āukkāe, teū- vāū-vaṇassai-tasāṇaṃ | paḍilehaṇāpamatto, chaṇhaṃ pi virāhao hoi || 30 || taiyāe porisīe, bhattaṃ pāṇaṃ gavesae | chaṇhaṃ aṇṇayarāgammi, kāraṇammi samuṭṭhie || 31 || veyaṇaveyāvacce, iriyaṭṭhāe ya saṃjamaṭṭhāe | taha pāṇavattiyāe, chaṭuṃ puṇa dhammaciṃtāe || 32 || niggaṃtho dhiimaṃto, niggaṃthī vi na karijja chahiṃ ceva | ṭhāṇehiṃ tu imehiṃ, aṇaikkamaṇā ya se hoi || 33 || āyaṃke uvasagge, titikkhayā baṃbhaceraguttīsuṃ | pāṇidayātavaheuṃ, sarīravuccheyaṇaṭṭhāe || 34 || avasesaṃ bhaṃḍagaṃ gijjhā, cakkhusā paḍilehae | paramaddhajoaṇāo, vihāraṃ viharae muṇī || 35 || cautthīe porisīe, nikkhivittāṇa bhāyaṇaṃ | sajjhāyaṃ ca tao kujjā, savabhāvavibhāvaṇaṃ || 36 || porisīe caubhāe, vaṃditāṇa tao guruṃ | paḍikkamittā kālassa, sijaṃ tu paḍilehae || 37 || pāsavaṇuccārabhūmiṃ ca, paḍilehija jayaṃ jaī |
yatidina - kṛtyam |