Uttarajjhayana p670

p670

trisaptatipadānāṃ phalanirūpaṇam |
sāṇaṃ apatthaṇije bhavai ||47|| ajavayāe ṇaṃ bhaṃte! jīve kiṃ jaṇei ? ajavayāe ṇaṃ kāujuyayaṃ bhāvujuyayaṃ bhāsujuyayaṃ avisaṃvāyaṇaṃ jaṇei, avisaṃvāyaṇasaṃpannayāe ṇaṃ jīve dhammassa ārāhae bhavai ||48|| maddavayāe ṇaṃ bhaṃte! jīve kiṃ jaṇei ? maddavayāe ṇaṃ aṇussiyattaṃ jaṇei, aṇussiyatte ṇaṃ jīve miumaddavasaṃpanne aha mayahāṇāī niṭṭhavei ||49|| bhāvasacceṇaṃ bhaṃte! jīve kiṃ jaṇei ? bhāvasacceṇaṃ bhāvavisohiṃ jaṇei, bhāvavisohīe vaṭṭamāṇe arahaṃtapannattassa dhammassa ārāhaṇayāe anbhuṭṭei, arahaṃtapannattassa dhammassa ārāhaṇayāe abbhuṭṭittā paralogadhammassa ārāhae bhavai ||50|| karaṇasacceṇaṃ bhaṃte ! jīve kiṃ jaṇai ? karaṇasacceṇaṃ karaṇasattiṃ jaṇei, karaṇasacce vahamāṇe jahāvāī tahākārī bhavai ||51|| jogasacceṇaṃ bhaṃte! jīve kiṃjaṇei ? jogasacceṇaṃ joge visohei ||52|| maṇaguttayāe ṇaṃ bhaṃte! jīve kiṃjaṇei? maṇaguttayāe ṇaṃ egaggaṃ jaṇei, egaggacitteṇaṃ maṇagutte saṃjamārāhae bhavai ||53|| vayaguttayāe ṇaṃ bhaṃte ! jīve kiṃ jaṇei ? vayaguttayāe ṇaṃ nivikārattaṃ jaṇei, nivikāre ṇaṃ jīve vaigutte joge ajjhappajogasāhaṇajutte yāvi bhavai ||54|| kāyaguttayāe ṇaṃ bhaṃte! jīve kiṃjaṇei ? kāyaguttayāe ṇaṃ saṃvaraṃ jaṇayaha, saṃvareṇaṃ kāyagutte ṇaṃ puṇo pāvāsavanirohaṃ karei ||55|| maṇasamādhāraṇayāe ṇaṃ bhaṃte! jīve kiṃ jaṇei ? maṇasamādhāraṇayāe ṇaṃ egaggaṃ jaṇei, egaggaṃ jaṇaittā nāṇapajjave jaṇei, nāṇapajjave jaṇaittā sammattaṃ visohei micchattaṃ ca nijarei ||56|| vayasamāhāraṇayāe ṇaṃ