Uttarajjhayana p671

p671

śrīuttarādhyayanasūtre śrīnemicandrīyā sukhabodhākhyā laghuvṛttiḥ |
ekonatriṃśaṃ samyaktvaparākramākhyamadhyayanam|
trisaptatipadānāṃ phalanirūpaṇam|
||329||
bhaṃte ! jīve kiṃ jaṇei ? vayasamāhāraṇayāe ṇaṃ vayasāhāraṇaṃ dasaṇapajjave visohei, vaisāhāraṇaṃ dasaṇapajjave visohittā sulahabohiyattaṃ ca nivattei dullahabohiyattaṃ nijarei ||17|| kāyasamādhāraṇayāe ṇaṃ bhaṃte ! jīve kiṃ jaṇei ? kāyasamādhāraṇayāe ṇaṃ carittapajjave visohei, carittapajjave visohittā ahakkhāyacarittaṃ visohei, ahakkhāyacarittaṃ visohittā cattāri kevalikammaṃse khavei, tao pacchā sijjhai bujjhai muccai parinivāi sabadukkhāṇamaṃtaṃ karei || 58|| nāṇasaṃpannayāe ṇaṃ bhaṃte ! jīve kiṃ jaṇei ? nāṇasaṃpannayāe ṇaṃ sababhāvābhigamaṃ jaṇei, nāṇasaṃpanne ṇaṃ jīve cāuraṃte saṃsārakaṃtāre na viṇassaī-"jahā sūī sasuttā, paḍiyā na viṇassaī| tahā jīve sasutte, saṃsāre na viṇassaī ||1||” nāṇaviṇayatavacarittajoge saṃpāuṇai, sasamayaparasamayavisārae ya asaṃghāyaṇijje bhavai ||19|| dasaṇasaṃpannayāe ṇaṃ bhaṃte! jīve kiṃ jaṇei ? daṃsaṇasaṃpannayāe ṇaṃ bhavamicchattacheyaṇaṃ karei paraṃ na vijjhāyai, aṇuttareṇaṃ nāṇadaṃsaṇeṇaṃ appāṇaṃ saṃjoemāṇe samma bhāvemāṇe viharai || 60|| carittasaṃpannayāe ṇaṃ bhaṃte! jīve kiṃ jaṇei ? carittasaṃpannayāe ṇaṃ selesī bhāvaṃ jaṇei, selesiṃ paḍivanne aṇagāre cattāri kammaṃse khavei, tao pacchā sijjhai bujjhai muccai parinivāi sambadukkhāṇamaṃtaṃ karei ||61|| soiṃdiyaniggaheṇaṃ bhaṃte ! jīve kiṃ jaṇei ? soiṃdiyaniggaheṇaṃ maṇuṇṇāmaṇunnesu saddesu rāgaddosaniggaraṃ jaṇei, tappaccaiyaṃ ca ṇaṃ kamma na baṃdhai, putvavaddhaṃ ca nijarei ||62|| cakkhidiyaniggaheṇaṃ bhaṃte ! jīve kiṃ jaṇei?
||329||