Uttarajjhayana p730

p730

pramādasya sthānāni |
kāyassa phāsaṃ gahaṇaṃ vayaṃti, taṃ rāgaheuṃ samaṇunnamāhu| : taṃ dosaheuṃ amaṇunnamāhu, samo ya jo tesu sa vīyarāgo||74|| phāsassa kāyaṃ gahaṇaṃ vayaṃti, kāyassa phāsaṃ gahaṇaṃ vayaṃti| rāgassa heuṃ samaṇuṇṇamāhu, dosassa heuṃ amaṇunnamāhu||7|| phāsassa jo giddhimuvei tivaṃ, akāliyaṃ pāvai se viṇāsaṃ| rāgāure sīyajalāvasanne, gāhaggahīe mahise va ranne ||76 || je yāvi dosaṃ samuvei tivaṃ, taṃsi kkhaṇe se u uvei dukkhaṃ | duiṃtadoseṇa saeṇa jaṃtū, na kiṃci phāsaṃ avarajjhaī se ||77|| egataratto ruiraṃsi phāse, atālise se kuṇaī paosaṃ| dukkhassa saṃpīlamuvei bāle, na lippaī teṇa muṇī virāgo||78|| phāsāṇugāsāṇugae ya jīve, carācare hiṃsai garūve | cittehiṃ te paritāvei bāle, pīlei attaṭṭa gurū kiliṭṭe ||79|| phāsāṇuvāeṇa pariggaheṇa, uppāyaṇe rakkhaṇa-sannioge| vae vioge ya kahaṃ suhaṃ se, saṃbhogakāle ya atittilābhe || 8|| phāse atitte ya pariggahammi, sattovasatto na uvei turhi | atuḍhidoseṇa duhī parassa, lobhāvile āyayaī adattaṃ || 81||