Uttarajjhayana p731

p731

śrīuttarādhyayanasūtre śrīnemicandrīyā sukhabodhākhyā laghuvṛttiḥ |
dvātriṃśaṃ pramādasthānākhyamadhyayanam|
pramādasya sthānāni |
||359||
taṇhābhibhūyassa adattahāriṇo, phāse atittassa pariggahe ya| māyāmusaṃ bahui lobhadosā, tatthā'vi dukkhāna vimucaī se || 82|| mosassa pacchā ya puratthao ya, paogakāle ya duhī duraṃte | evaṃ adattāṇi samāiyaṃto, phāse atitto duhio aṇisso||83|| phāsāṇurattassa narassa evaṃ, katto suhaṃ hoja kayāi kiṃci?| tatthoṣabhoge vi kilesadukkha, nivattae jassa kae na dukkhaṃ ||84|| emeva phāsammi gao paosaṃ, uvei dukkhohaparaṃparāo| pauddacitto ya ciṇāi kamma, jaṃ se puṇo hoi duhaṃ vivāge ||85|| phāse biratto maṇuo visogo, eeṇa dukkhohaparaṃparāo| na lippaī bhavamajhe vi saṃto, jaleṇa vā pukravariṇīpalāsaṃ ||86|| maṇassa bhāvaṃ gahaṇaṃ vayaṃti, taṃ rāgaheuṃ samaṇunnamāhu| taṃ dosaheuṃ amaṇunnamāhu, samo ya jo tesu sa pīyarāgo|| 87|| bhāvassa maṇaṃ gahaṇaṃ vayaṃti, maṇassa bhāvaṃ gahaṇaṃ vayaṃti | rāgassa heuṃ samaṇunnamāhu, dosassa heuṃ amaṇunnamāhu ||88|| maṇeṇa jo giddhimuvei tivaṃ, akāliyaṃ pāvai se viṇāsaṃ| rāgāure kāmaguṇesu giddhe, kareṇumaggāvaḍie gae vā ||89||