Uttarajjhayana p94

p94

XCXCX
BXCXBXCXCXXXCXCXXXCXCX
purisotti, tā sigghameva gottamappaṇo kaheu | tao jarakumāreṇa kuḍaṃgaṃtaraṭṭhieṇaṃ ciṃtiyaṃ-na esa hariṇo, purisavi seso koi eso gottaṃ ca mahaṃ pucchara, tā kahemi se niyagottaṃ | tao bhaṇiyaṃ kumāreṇa bho ! ahaṃ harivaṃsasaṃbhavo vasudevassa jarāe devīe putto puhavīe ekkavīrassa hariṇo jeṭṭho bhāyā jarakumāro nāma, bhayavao riṭṭhanemijiṇaṃdāo soūṇa 'jaṇaddaṇassa jarākumārāo maccu' tti vayaṇamahaṃ baṃdhuvaggaṃ paricaeūṇa varṇavaṇeṇa parihiṃḍāmi, gayāī ca bārasa varisāī ti, taṃ tubbhe vi parikaheha ke tubbhe ? tti | tao kaṇheṇa bhaṇiyaṃ - ehi ehi piyasahoyara ! so haṃ jaṇaddaṇo bhāyā tuha baladevarasa ya vāsudevo kaṇīyaso, tumaṃ ca maha pāṇasaṃrakkhaṇatthamihamāgao jāva niṣphalo esa parissamo jāo, tā turiyamāgaccha | tao jarākumāro jaṇaddaṇaṃ samāsaṃkaṃto samāgao | diṭṭho tahāviho kaho | tao so aṃsusamupphunnaloyaṇo jarakumāro hāhāravaṃ karaṃto — hā hau tti, dhī durappā haṃ, kuo tamiha purisasaddūla! āgao si ? kiṃ dīvāyaṇeṇa daḍḍhā bāravaī ? naṭṭhā na vatti jāyavajaṇā ? | tao kaṇheṇa sayalaṃ jahādiṭṭhasuyaṃ se kahiyaṃ | tato | jarakumāro palāve kāumāraddho – aho ! mae pāveṇa kayaṃ kaṇhassa ātitthakaraṇijjaṃ, taṃ kattha gacchāmi ?, kattha gao sugao bhavissāmi ?, bhāyaghāyayaṃ ko maṃ pecchiuṃ pi sakkehiti ? jāva esa logo gharai nāmaṃ ca tuha kesava ! tāva mahaṃ pāvakāriṇo garahā sudu hohiti tti vaṇavāso abbhuvagao jāva mae nigghiṇeṇa vivarīyaṃ samāyariyaṃ, kattha te rāiṇo ? kattha vā tāiṃ vilāsiṇisahassāī ? kahiṃ vā jaṇaddaṇa ! te kumārasamūhā ? | tao kaṇheṇa bhaṇiyaṃ — bho nariṃda ! | jarānaṃdaṇa ! kahiyameva bhagavayā riṭṭhanemisāmiṇā jiṇiṃdeṇa— jahā saṃsāre savāṇaṃ sattāṇaṃ niyakammadoseṇa suhāī vasaṇasahassāī, avi ya— jaṃ jeṇa kiṃ pi vihiyaṃ, suhaṃ ca dukkhaṃ ca puvajammammi | taṃ so pāvai jīvo, vañcai dīvaṃtaraṃ jai vi || 1 || jaṃ jeṇa kayaṃ kammaṃ, annabhave ihabhave va suhamasuhaṃ | taṃ teṇa pāviyavaṃ, nimittamittaṃ paro hoi || 2 || tā