Uttarajjhayana p95

p95

dvitīyaṃ
parīṣahā
śrīuttarādhyayanasūtre śrīnaimicandrīyavṛttiḥ ||41||
dhyayanam|
mā kuṇa ucyeyaṃ, na tumametthamavarajjhasi, kammaṃ cevā'varajjhai, na ya bhavai annahā jiṇabhāsiyaṃ ti, tā tumaṃ kotthubhamāṇa maha | vacchatthalasaṃṭhiyaṃ gaheūṇa gaccha paṃḍavasayāsaṃ, sāheyatvo tae esa vuttaṃto, bhaṇiyatvā ya mama vayaṇeṇa-jahā dovaisamāṇayaṇakāle aggao samāgaehiṃ maha sāmatthaparikkhaṇanimittaṃ raho na pesio tti mae savvassaharaṇā kāūṇa niddhāḍiyā taṃ khamiyavo mamāvarāho, khamāpahāṇā hi supurisā havaṃti visesao baṃdhavajaṇa tti | tao suṭu gaṃtuṃ na īhae jarakumāro| tao kaṇheṇa bhaṇiyaṃ puṇo-mahābhāga! gaccha sigdhaṃ, jāṇāsi ceva mamovari siṇehaparāyaṇaṃ baladevaṃ, mama taṇhāvuccheyanimittaṃ salilamannesiuṃ gato, āgato ya maṃ pecchiūṇa maraṇāvatthaṃ tumaṃ vāvāehi tti, tā gaccha gaccha tehiṃ ceva paehiṃ turiyaṃ turiyaṃ | tao pāyatalāo bāṇamuddhariūṇa gato jarakumāro| vāsudevo vi veyaṇāsamugghāyaṃ gato namokāraṃ kareumāraddho-namo paramapūyā'rahāṇaṃ arahaṃtāṇaṃ, namo suhasamiddhāṇaṃ siddhāṇaṃ, namo paṃcavihāyāramāyaraṃtāṇaṃ āyariyāṇaṃ, namo sajjhāyajjhāṇarayāṇaṃ uvajjhāyāṇaṃ, namo mokkhasāhyāṇaṃ sāhaṇaṃ, namo riṭṭanemiṇo jiṇiṃdassa, jo sayalasaṃgaparicayaṇaṃ kāūṇa nikkhaṃto mahāmuṇī | tao taṇasaṃthāraṃ raiūṇa samocchāiūṇa vattheṇa sarīramappaṇo vīrasayaṇijjamuvāgao ciṃtiumāraddho-dhannā te saṃba-pajjanna-niruddha-sāraṇapamuhā kumārā jāyavajaṇā ya ruppiṇipamuhāo devīo, je savasaṃgaparicāyaṃ kāūṇa bhagavao samīve nikkhaṃtā, ahaṃ puṇa dukkhabhāgī akayatavacaraṇo marāmi tti | āuyapajjavasāṇe ya visumariyasuhabhāvo-'aho! akāraṇaveriṇā dīvāyaṇeṇa nayarīe jāyavakulassa ya ekkapae cciya khao kao tti, tā mahāpāvo khu so nihaṃtabo' tti asuhapariṇāmapariṇao kālaṃ kāūṇa vairisasahassamegaṃ jīviūṇa gao taiyāe puḍhavīe nārao samuppaṇṇo | baladevo vi vegeṇa salilaṃ naliṇīpattapuḍae gahiūṇa vivarīyasauṇapakkhalijaṃto kaṇhasamīvamāgao | ṭhaviūṇa *
1 kaumāratve ṣoḍaśābdāni viṣṇoḥ, ṣaṭpañcāśanmaṇḍalitve jaye tu | varṣāṇyaṣṭā'tho navā'guḥ śatāni, viṃśānyuccararddhacakritvakāle ||1||
||41||