Uttarajjhayana v28.p139

v28.p139

uttarādhyayana-mūlasūtram-1-3/96 tattha tesiṃ sīso koḍīnno, tassavi āsamitto sīso, so puṇa anuppavāe puvve neuṇiyavatthaṃ, tattha chinnacheyaṇayavattavvāyae ālāvato jahā-savve paḍuppannasamayaṇeraiyā vocchijjissaṃti, evaṃ jāva vemāṇiyatti,' evaṃ tassataṃmi vitigicchā jāyā-jahā savve saṃjayā vocchijjissaṃti, evaṃ savvesiṃ samucchedo bhavissaitti, tāhe tassa tattha thiraṃ cittaṃ jāyaṃ, bhaṇyate cācāryairyathābhadra! tavāyamāśayaḥ
asti kāraṇamutpāde, vināśe nāsti kāraṇam |
utpattimantaḥ sarve'pi, vināśe niyatāstataḥ || prayogaśca-ye yadbhāvaṃ pratyanapekṣāste, tadbhāvaniyatāḥ, yathā antyā kāraṇasāmagrī svakāryajanane, anepākṣāśca vināśaṃ prati bhāvāḥ, atra va vināśanaiyatyaṃ bhāvānaṃ kiṃ vaiśrasikaṃ vināśamāśritya sādhyate prāyogikaṃvā?, yadi vaiśrasikaṃ kiṃ sarvathā kathañcidvā?, kathañcitpakṣe siddhasādhanaṃ, sarastaraṅgavatsatatamudayavyayattvena keṣāñcitparyāyāṇāṃ tadrūpeṇa vastuṣu vaiśrasikavināśanaiyatyasya siddhatvād, atha sarvathā vināśaḥ sādhyate tarhi pratyakṣanirākṛtaḥ pakṣo, dravyarūpeṇāvasthitasyaiva vastuno darśanāt, anyathā dvitīyādisamayeṣu vastuno'bhāvaprasaṅgaḥ, vastvantarotpatteradoṣa iti cet kiṃ na tadbhedena pratibhāti?, atha māyāgolakavatsādṛśyāt, tanna, pratyakṣeṇaikatvagrahādeva bhedāpratibhāsāt, atha bhrāntamevaikatvagrāhi pratyakṣam, evaṃ ca sati cakrakākhyo doṣaḥ, ekatvagrāhiṇo hi pratyakṣasya bhrāntatvaṃ prakṛtānumānaprāmāṇye, tacca sādṛśyābhedāpratibhāse, sacaikatvagrāhiṇaḥ pratyakṣasya bhrāntatve, tadapi prakṛtānumānaprāmāṇye iti tadevāvarttate, aihikāmuṣmikavyavahāraviluptiśca sarvathā nāśe, tathā cāha
"tittī samo kilāmo sārikkha vipakkhapaccayāīṇi | ajjhayaṇaṃ jhāṇaṃ bhāvanā ya kā savvaṇāsammi? ||1|| annano paigāsaṃ bhottā annonnaso'vi kā tittī?|
gantādaovi evaṃ iya saṃvavahāravocchittī||2||" atha santānāśrayo vyavahāraḥ, santāno'pi santānibhyaḥ kiṃ bhinno na vā?, yadi bhinno vastusanna vā?, yadi na vastusanna, kiṃ tena śaśaviṣāṇeneva kalpitena?, vastusattve'pi kṣaṇiko'kṣaṇiko vā?, yadyakṣaṇikastenaiva prakṛtānumānavyabhicāraḥ, kṣaṇikatve ca tadavasthaiva vyavahāraviluptiḥ, athābhinnaḥ, tathāhi-sadṛśāparāparakṣaṇaprabandhaḥ santānaḥ, saca santānina eva, tadasat, yataḥ sarvathocchede prāgbhāvitvameva kāraṇasya kāraṇatvaṃ, tacca visadṛśakṣaṇāpekṣayā'pi samānamiti kathaṃ sadṛśakṣaṇasyaivotpattiḥ? yena tatprabandhaḥ santāna ucyate, atha sadṛśakṣaṇasyaivotpattirdaṣṭā, tarhi vastu kathaṃcit sthitimapi dṛṣṭamiti tathaivāstu, sajātīyetaravyāvṛttavastuvādināṃ ca na kiñcittāttvikaṃ sādṛśyam, atāttvikaṃ ca svapuṣpamiva na tattvavicāropayogi, pūrvāparaviniṭuṃṭhitaikakṣaṇābhyupagame ca santānino'pyasanta evetyayuktastato bhedābhedavicāraḥ, atha prāyogikaṃ vināśāmāśritya bhāvānāṃ vināśanaiyatvaṃ sādhyate, tarhi tasya hetvanvayavyatirekānuvidhāyitvenānapekṣatvamasiddham, tathāhi- tatki vināśahetūnāmasāmarthyādatha vaiyarthyātkṛtakatve vināśasyāpi vināśaprasaṅgato vā?, yadyasāmarthyāttatkiṃ vināśasya tuccharūpatayā kartumaśakyatvena vastvantaro