Uttarajjhayana v28.p92

v28.p92

adhyayanaṃ-2,[ni. 97] jai mama jubalaeṇaṃ kuṃḍiyāe chatteṇaṃ uvahaṇāhiṃ jannovaieṇa ya samaṃ pavvāveha to pavvayāmi, pavvaito so puṇa caraṇakaraṇasajjhāyaṃ anuyattaṃtehi giṇhāviyavvo, tāhe te bhaṇaṃti-acchaha tubbhe kaṭhipaṭṭaeṇaṃ, so'vi thero bhaṇai-chattaeṇaṃ vinā na tarāmi acchiuṃ, chattayaṃpi, karageṇa vinā dukkhaṃ uccārapāsavaṇaṃ vosiriuṃ, baṃbhasuttagaṃpi acchautti, avasesaṃ savvaṃ pariharai| ___ annayā ya ceiyāī vaṃdiuṃ gayā, āyariyā ceḍagarūvāṇi gāhaṃti, bhaṇaha-savve vaṃdāmo egaṃ chattaillaṃ mottuṃ, evaṃ bhaṇito, tāhe so jāṇati-ime mama puttā ṇattuyā ya vandijaṃti, ahaṃ kīsa navaṃdijjāmi?, tāhe bhaṇati-kimahaṃ apavvaiotti?, tāṇi bhaṇaṃti-kiṃ pavvaiyagāṇovāṇahakaragabaṃbhaguttachattagāṇi bhavaṃti?, tāhe so jāṇati-eyāṇivi mamaṃ paḍicoeṃti, tā chaḍḍemi, tāhe puttaṃ bhanati-alāhi puttagā ! chatteṇaṃ, tāhe te bhanaṃti-alāhi, jāhe uṇhaṃ hohiti tāhe kappo uvariṃ karehatti, evaṃ tāṇi mottuṃ karaillu, tattha se putto bhaṇati-mattaeṇaṃ ceva sannābhūmi gammai, evaṃ jannovaiyaṃ ca muyai, ___ tāhe āyariyā bhaṇaṃti-ko vā amhe na jāṇai jahā baṃbhaṇā, evaṃ tāṇi tena mukkāṇi, pacchā tāṇi puṇo bhaṇaṃti savve vaṃdāmo mottūṇa kaḍipaṭṭaillaṃ, tāhe so ruṭṭho bhaṇati-saha ajjayapajjaehiṃ mā vandaha, anne vaṃdihaṃti mamaṃ, eyaṃ kaḍipaṭṭayaṃ na chaḍḍemi, tattha ya sāhū bhattapaccakkhāyato, tāhe tassa nimittaṃ kaḍipuṭṭavosiraṇaṭṭhayāe āyariyā bhaṇaṃti-eyaṃ mahāphalaṃ havai jo sādhuṃ, vahai, tattha ya paḍhamapavvaiyā sanniyā-tume bhaṇijjaha-amhe eyaṃ vahāmo, evaṃ te uvaṭṭhiyā, tattha ya āyariyā bhaṇaṃti-amhaṃ sayaṇavaggo mā nijjaraṃ pāvau?, bho tubbhe ceva savve bhaṇaha amhe cceva vahāmo, tāhe so thero bhaṇati-kiṃ puttā! ettha bahutarayā nijjarā?, āyariyā-bhaṇaṃtibāḍhaṃ, kiṃ ettha bhaṇiyavvaṃ?, tāhe so bhaṇati-to khāi khahapi vahāmi, āyariyā bhaṇaṃti-ettha uvasaggā uppajjaṃti, ceḍarūvāṇi laggeti, yadi tarasi ahiyāsiuṃ, aha nāhiyāsesi tāhe amhaṃ na suṃdaraṃ tāhe amhaṃ na suṃdaraṃ bhavati, evaṃ so thiro kao, jāhe so ukkhitto sāhū maggao vaccai, pacchao saṃjaīo ṭhiāto, tāhe khuḍagā bhaṇiā-ettāhe kaḍipaṭṭayaṃ muyaha, tāhe so muttumāraddho, tāhe annehiṃ bhaṇio-mā moccihi, tattha se anneṇa kaḍipaṭṭao purao kāūṇa doreṇa baddho, tāhe so lajjio taṃ vahai, maggato mama picchaṃti suṇhāo a, evaṃ tenavi uvasaggo uṭṭhiottikāūṇa vūḍhaṃ, pacchā āgato taheva, tāhe āyariyā bhaṇaṃti-kiṃ ajja khaṃtā! imaṃ?, tāhe so bhaṇai-so esa ajja putta ! uvasaggo uvaṭṭhio, āneha sāḍayaṃ, tāhe bhaṇai-ki va sāḍaeṇaṃti ?, jaṃ daṭṭavaṃ taṃ diṭuṃ, colapaṭṭao ceva me bhavau, evaṃ tā so colapaṭṭaṃpi giṇhāvio| tena puvvaṃ acelaparisaho nāhiyāsito pacchā'hiyāsiotti| acelasya cāpratibaddhavihāriṇaḥ śītādibhirabhibhūyamānatvenāratirapyutpadyetātastatparīṣahamāhamū. (63) gāmānugāmaṃ rīyaṃta, anagāramakiṃcanaṃ|
araī anuppavise, taṃ titikkhe parīsahaṃ|| vṛ. grasate buddhyādīn guṇān iti grāmaḥ sa ca jigamiṣataḥ anugrāmaśca-tanmārgānukūla: ananukūlagamane prayojanābhāvād grāmānugrāmaṃ, yadvā grāmaśca mahān anugrāmaśca sa eva laghurgāmāṇugrāmama, athavā-grāmamiti rūḍhiśabdatvādekasmādgramādanyo grāmaḥ tato'pi cānyo grāmānugrāma