Uttarajjhayana v29.p152

v29.p152

149 asmin jagati jinapravacane vā 'khalu' niścitaṃ samyaktvamiti guṇaguṇinorananyatvātsamyaktvaguṇānvito jīvastasya samyaktve voktarūpe sati parākramaḥ-uttarottaraguṇapratipattyā kārijayasāmarthyalakṣaṇo varṇyate'sminniti samyaktvaparākramaṃ nāmādhyayanamastīti gamyate, nanvevamidamapi gauṇameva nāma tatkimiti niyuktikṛtā''dānapadenaitaduktam ?, itare tu gauṇe iti, satyametat, kintu nāmno'nekavidhatvasūcanārthaṃ niyuktikṛtetthamuktaṃ na tvasya gauṇatvavyavacchedārthaṃ, tacca kena praṇītamityāha-'śramaṇena' śrāmaṇyamanucaratādharmakāyāvasthāmāsthitenetyarthaḥ, bhagavatā mahāvīreṇa kāśyapena 'praveditaṃ' svataḥ praveditameva bhagavatā mamedamākhyātamityuktaṃ bhavati, anena vaktṛdvāreṇa prastutādhyayanasya māhātmyamāha--
nanu sudharmasvāmino'pi śrutakevalitvāttadvāreṇāpyasya prāmāṇyaṃ sidhyatyeva tatkimevamupanyāsaḥ?, ucyate, labdhapratiṣṭhairapi gurūpadiṣṭhaṃ gurumāhātmyaṃ ca khyāpayadbhiḥ sūtramarthaścākhyeya iti khyāpanārthamevamupanyāsaḥ, itthaṃ vaktṛdvāreṇasya māhātmyamabhidhāya saṃprati phaladvāreṇāha'yadi ti prastutādhyayanaṃ 'samyag' avaiparītyena śraddhāya' śabdārthobhayarūpaṃ sāmānyena pratipadya 'pratītya' uktarūpameva viśeṣata itthameveti niścitya, yadvā saṃvegādijanitaphalānubhavalakṣaṇena pratyayena pratītipathamavatārya, 'rocayitvā' tadabhihitārthānuṣṭhānaviṣayaṃ tadadhyayanādiviṣayaṃ vā'bhilāṣātmātma utpādya, saṃbhavati hi kvacidguṇattayā'vadhārite'pi kadācidarucirityevamabhidhānaṃ, 'phāsitta'tti taduktānuṣṭhānataḥ spṛṣṭavā ‘pālayitvā' tadvihitānuṣṭhānasyātīcārarakṣaṇena 'tīrayitvā' taduktānuṣṭhānaṃ pāraṃ nītvā 'kīrtayitvā' svādhyāyavidhānataḥ saṃśuddha 'śodhayitvā' taduktānuṣṭhānasya tattadguṇasthānāvāptita uttarottaraśuddhiprāpaṇena ārādhya' yathāvadutsargāpavādakuśalatayā yāvajjīvaṃtadarthāsevanena, etat sarvaṃ svamanīṣikāto'pi syādata āha'ājñayā' guruniyogātmikayā anupālya' satatamāsevya, yadvā 'spṛṣṭavā' yogatrikeṇa manovākkāyalakṣaṇena, tatra manasā-sūtrārthobhayacintanena vacasā-vacanādinā kāyena-bhaṅgakaracanādinā, evaṃ pālanārādhanayorapi yogatrayaṃ vācyaṃ, 'pālayitvā' parāvartanādinā'bhirakṣya 'tīrayitvā' adhyayanādinā parisamāpya 'kīrtayitvā' gurovinayapūrvakabhidamitthaṃ mayā'dhītamiti nivedya 'śodhayitvā' guruvadanubhāṣaṇādibhiḥ śuddhaṃ vidhāya 'ārādhya' utsūtraprarūpaṇādiparihāreṇābādhayitvā śeṣaṃ prāgvannavaram ājñayeti jinājñayā, uktaṃ hi
"phāsiya jogatieṇaṃ pāliyamavirāhiyaṃ ca emeva|
tīriyamaṃtaṃ pāviya kiṭṭiya gurukahaṇa jinamānā|" evaṃ ca kṛtvā kimityāha-'bahavaḥ' aneka eva'jīvāḥ' prāṇinaḥ 'siddhanti' ihaivāgamasiddhatvādinā, 'budhyante' dhātikarmakṣayeṇa, 'vimucyate' bhavopagrāhikarmacatuṣṭayena, tataśca parinirvānti' karmadāvānalopaśamena ata eva 'sarvaduḥkhānāṃ śārīramānasānām' antaṃ' paryantaṃ kurvanti muktipadāvāptyeti sūtrārthaḥ||
samprati vineyānugrahārthaṃ sambandhābhidhānapurassaraṃ prastutādhyayanārthamāha
mū.(1113) tassa ṇaṃ ayamaḍhe evamāhijjai, taṃjahā-saṃvege 1 nivvee 2 dhammasaddhā 3 gurusāhammiyasussūsaṇayā4 āloyaṇā 5 niṃdayaṇā 6 garihaṇayā 7 sāmāie 8 cauvīsatthae