Uttarajjhayana v29.p294

v29.p294

micchāsūtraṃ prāgvat, nanu punaruktatvādanarthakamidaṃ sūtraṃ, kṛṣṇaleśyāvagāhanamapi hiṃsakatvena pañcāśravapramattatvāditallakṣaṇābhidhānādarthata uktameveti, atrocyate, naivaṃ, viśeṣajñāpanārthatvādasya, “puvvabhaṇiyaṃ tu pucchā jaṃ bhaṇṇati tattha kāraṇaṃ beṃti |
paḍiseho ya anunnā karaṇa (heḍa) visesovalaṃbhā vā || "
viśeṣaśca sarvatra tathāvidhasaṃkliṣṭapariṇāmarūpatā draṣṭavyā, anyathā hi sāmānyenaitadviśeṣaṇaviśiṣṭānāmapi tadbhave bhavāntare vā bodhidarśanādyabhicāryevedaṃ bhavediti | iha cādyena sūtreṇa kandarpabhāvanādīnāṃ durgatirūpānarthasya nibandhanatvamuktamarthācca tadviparītabhāvanānāṃ sugatisvarūpārthasya dvitīyena mithyādarśanaraktatvādīnāṃ durlabhabodhilakṣaṇānarthasya tṛtīyena samyagdaniraktatvādīnāṃ sulabhabodhyātmakārthasya caturthena uktanītyā mithyādarśanaraktatvādīnāmeva viśeṣajñāpanamiti sūtracatuṣṭayārthaḥ ||
anyacca-jinavacanārādhanāmūlameva sakalaṃ saṃlekhanādi śreyo'tastatraivā''darakhyāpanāyānvayavyatirekābhyāṃ tanmāhātmyamāha

jinavayaṇe anurattā jinavayaṇaṃ je kareṃti bhāveṇaṃ |
amalā asaṃkiliṭṭhā te huṃti parittasaṃsārā ||
mū. ( 1724 ) bālamaranāṇi bahuso akāmamaranāṇiṃ ceva bahuyāṇi | marihaṃti te varāyā jinavayaṇaṃ je na yāṇaṃti ||
vṛ. jinā ihārthāttīrthakṛtasteṣāmucyata iti vacanam āgamo jinavacanaṃ tasmin 'anuraktāḥ ' satataṃ pratibaddhā:, tathā 'jinavacanam' iti vācyavācakayorabhedopacārājjinavacanābhihitamanuṣṭhānaṃ ye 'kurvanti' anutiṣṭhanti 'bhāvena' āntarapariṇāmena na tu bahirvṛttyaiva tata evāvidyamāno mala iti bāvamalastadanuṣṭhānamālinyahetumithyātvādireṣāmityamalāḥ, tathā 'asaṃkliṣṭāḥ ' rāgādisaṅkleśarahitāste ‘bhavanti' jāyante paritaḥ samastadevādibhavālpatāpādanena samantātkhaṇḍitaḥ parimita itiyāvat sa cāsau saṃsāraśca sa vidyate yeṣāṃ te'mī parītasaṃsāriṇaḥ- katipayabhavābhyantaramuktibhāja iti yo'rthaḥ, sūtre ca prākṛtatvādvacanavyatyayaḥ |
‘bālamaraṇaiḥ' viṣabhakṣaṇodbandhananibandhanaiḥ 'bahuśaḥ' anekadhā 'akāmamaraṇāni' yānyatyantaviṣayagṛdhnutvenānicchatāṃ bhavanti taiśca, ubhayatra subvyatyayaḥ prāgvat, 'eva ce 'ti pūraṇe 'bahūni ' anekāni mariṣyante te ‘varākā:' bahuduḥkhabhājanatayā'nukampanīyā: 'jinavacanam' uktarūpaṃ ye ' na jānanti' nāvabudhyante jñānaphalatvādanuṣṭhānasya na cānutiṣṭhantīti sūtradvayārthaḥ ||
yataścaivamato jinavacanaṃ bhāvataḥ karttavyaṃ, tadbhāvakaraṇaṃ cālocanayā, sā ca na tacchravaṇārhān vinā, te ca na hetuvyatirekeṇeti yairhetubhiramībhavanti tānāha
mū. ( 1725 ) bahu āgamavinnāṇā samāhiuppāyagā ya guṇagāhī | eeṇa kāraṇeṇaṃ arihā āloyaṇaṃ souṃ ||
PUS
vṛ. bahuḥ - aṅgopāṅgādibahubhedatayā bahvarthatayā vā sa cāsāvāgamaśca śrutaṃ bahvāgamastasmin viśiṣṭajñānam - avagama eṣāmiti bahvāgamavijñānā: 'samāhi' tti samādheḥ-uktarūpasyotpādakākimuktaṃ bhavati ? - deśakālāśayādivijñatayā samādhimeva madhuragambhīrabhaṇitiprabhṛti
janakāḥ,