Uttarajjhayana v29.p6

v29.p6

namo namo nimmala daṃsaṇassa paṃcama gaṇadhara śrī sudharmā svāmine namaḥ
43-2 uttarādhyayanāni - mūlasūtram -2
saṭīkaṃ
[ caturthaṃ mūlasūtraṃ ]
[ mūlam + bhadrabāhusvāmi racitāniryuktiḥ + śāntyācārya viracitā ṭīkā: ] adhyayāni - 17..........
.36
adhyayana naṃ 17 pāpaśramaṇīyam
vṛ. vyākhyātaṃ ṣoḍaśamadhyayanam, adhunā saptadaśamārabhyate, asya cāyamabhisambandhaḥ - ihānantarādhyayane brahmacaryaguptaya uktāḥ, tāśca pāpasthānavarjanādevāsevituṃ śakyante iti pāpa śramaṇasvarūpābhidhānatastadevātra kākvocyata ityanena sambandhenāyātamidamadhyayanam, asya ca caturanuyogadvāraprarūpaṇā prāgvattāvadyāvannāmaniṣpannanikṣepe'sya pāpa śramaṇīyamiti nāma, ataḥ pāpasya śramaṇasya ca nikṣepamāha niryuktikṛt

vṛ. 'pāpe' pāpaviṣaya: 'chakkaṃ 'ti ṣaṭkaḥ ṣaṭparimāno nāmasthāpanādravyakṣetrakālabhāvabhedānikṣepa iti gamyate, tatra ca nāmasthāpane sujñāne, dravye vicārye āgamato jñātā'nupayuktaḥ, no āgamatastu vyatiriktamāha-'sacittācittamīsagaṃceva'tti, iha ca pāpamiti yojyate, prākṛtatvācco bhayatra bindulopaḥ, tatra sacittadravyapāpaṃ yadvipadacatuṣpadāpadeṣu manuṣyapaśuvṛkṣādiṣvasundaram acittadravyapāpaṃ tadeva jīvaviprayuktaṃ caturaśītipāpaprakṛtayo vā vakṣyamāṇāḥ, miśradravyapāpaṃ tathāvidhadvipadādyevāśubhavastrādiyuktaṃ tatśarīrāṇi vā jīvaviyuktaikadeśayuktāni, santi hi jīvaśarīreṣvapi jīvaviyuktāḥ nakhakeśādayastadeśadeśāḥ uktaṃ hi
pāve chakaṃ davve sacittācittamīsagaṃ ceva | khittaṃmi nirayamāī kālo aidussamāīo || bhāve pāvaṃ iṇamo haṃsa musā coria ca abbaṃbhaṃ | tatto pariggaho ccia aguṇā bhaṇiā ya je sutte || samaṇe cakkanikkhevao u davvaṃmi nihnagāīā | nāṇī saṃjamasahio nāyavvo bhāvao samaṇo ||
"tasseva dese cie tasseva dese anuvacie "tti, jīvapradeśāpekṣameva hi tatra citatvamanupacitatvaṃ vā vivakṣitaṃ, pāpaprakṛtiyukto vā jantureva miśradravyapāpamucyate, 'ceve 'ti prāgvat, kṣetre vicārye 'pāpa' narakādipāpaprakṛtyudayaviṣayabhūtaṃ yatra tadudayo'sti, 'kāla' iti kālapāpaṃ - duṣpamādiko yatra kālānubhāvata: prāya: pāpodaya eva jantūnāṃ jāyate, ādiśabdādanyatra vā