Udayasundarikatha p45
Udayasundarīkathā p45
- Language
- Sanskrit
p45
tadayamālikhyase lalatkālajihvāviloloṭibhirjvālābhirabhihito'si bho rakṣa rakṣātmānamasti re śaktirityevamukto mahīpatiḥ kṛtvā smitaṃ pratyuvāca | re kravyādakīṭaka sādhu sādhu avadhānena sajjīkṛto'smi, kva nāma chalaprahāriṇāmanvayotpannena bhavatā śikṣitaiyamevaṃ pravīrapuruṣocitā saṅgrāmarītiḥ | kintu re mūḍha pāruṣyaviṣamābhighātadāruṇe praharaṇaṃ nāma sudūramāstāṃ, yaḥ kila sukhasparśena payasā'pi siktaḥ pralīyate tasya hutabhujo'vaṣṭambhena yaditthamājau pragalbhase tenāvimṛśya vicaranniścino'si piśācajanmā paśuḥ, paśavo hi vadhyāḥ samarādhvareṣu | ato'dya mayā vadhena sambhāvyase | śṛṇu yathā sambhāvyase | sarvatrāṅgeṣu valgaddhanagahanaśikhācakracaṇḍāgrakoṭi-