Udayasundarikatha p91
Udayasundarīkathā p91
- Language
- Sanskrit
p91
sā ca paraṃ tena maṇisparśaprabhāveṇa jhagiti turaṅgayārūpamujjhitvā tadeva jaṭāvalkalopavītadharaṃ śarīramāvahantī tārāvalī babhūva | rājā tu taṃ prabhāvabhūyiṣṭhaṃ maṇimātmano'gre patitamālokya nanu kīdṛgidamindrajālasodaraṃ kutūhalamiti visarpatā vismayenākṛṣṭa iva tasmānmaṇito nivartya niścalena cakṣuṣā rūpāntareṇojjhitāmabhinavāmiva tārāvalīṃ draṣṭumārebhe | sā'pi svamūrttilābhabhramasitamātmānaṃ vibhāvya tenādriṇā sarasā ca niruddhamadhyaṃ tanmahāraṇyamitastato vismitā nibhālayantī sarabhasamekahelyaiva vinihitavilocanā sādhu sādhu cirādanugṛhītā'hamabhīṣṭaghaṭanayā devatābhiḥ | kutreha krūravanacarāvatāradāruṇāraṇyasarasastaṭe tribhuvanaśriyaḥ sīmantaratnamitthamanucitāvasthānaduḥsthitamabhūdityālapantī dūrato'pi prasāritakarā tvaritamadrerabhimukhī dadhāva