Gopalacampu 1.12.22

1.12.22

[19] tataś ca sāvahittham ittham uvāca-aho, vayasyāḥ! paśyatha atrodaka-stambha-vidyā-kṛtāvakāśa-prakāśamāna-hradinī-hrada-sthita-sva-sadane kāliyākhya-manda-dandaśūkas tiṣṭhati | tena ca duṣṭa-niṣṭhyūtayā sarva evākharva-viṣa-jvālayā jvalitāḥ paryag-deśā dṛśyante | upary apy utpātitāḥ patatriṇaś cātra patitā ity ātma-netrābhyāṃ pratīyatām, yebhyas tu prāṇā jagat-prāṇāśana-bhayataḥ sadya eva vipratipadyeva svayam utpatantaḥ kadāpi na nyavartanta | so' yaṃ punar garutmat-kṛtāmṛta-seka eka eva kāla-kuṭa-jvālayāpi kṛtālambaḥ kadambaḥ sulalita-dalāditayā lālasīti | tasmād asyopariga-koṭara-piṭhare sphuṭaṃ tad anavadyam amṛtam adyāpi vidyata iti prasahyāham āruhya paśyāni | bhavantas tu gāḥ kiñcid dūracaratayā cārayantaś carantu |

[19] And then, dissimulating, he spoke thus: "O comrades! Look, here in his own abode situated in the pool of the river, revealed through an opening made by the science of water-stoppage, lives the wicked serpent named Kāliya. And by the fierce blast of poison spat out by that villain, all the surrounding regions are seen to be scorched. See with your own eyes how even the birds flying above have fallen down here, whose life-breaths, as if in dispute out of fear of that eater of the world's breath, flew off instantly on their own and never returned! But this solitary kadamba tree, sprinkled with nectar by Garuḍa, sustained even by the flame of the deadly venom, flourishes eagerly with charming leaves and branches. Therefore, that flawless nectar clearly still exists inside the hollow at its top; let me climb up by force and see! You, however, graze the cows a little farther away and move along."