Nalacampu 4.176

4.176

ity āśāsya viśrāntāyāṁ viyadvāci sthitvā ca kiṁcit kr̥tōcitāpacitiṣu gatēṣu kṣaṇādantardhānaṁ muniṣu ‘samucchrīyantāṁ vaijayantyaḥ, vadhyantāṁ tōraṇāni, licyatāṁ candanāmbhōbhiḥ panthānaḥ, maṇḍayantāṁ masr̥ṇamuktāphalakṣōdaraṅgāvalībhiḥ prāṅgaṇāni, kriyantāṁ kusumaprabhākarabhākhi catvarāṇi, pūjyantāṁ dvijanmānō dēvatāśca, dīyantāṁ dānāni, gīyantāṁ maṅgalāni, visr̥jyantāṁ vari vandyaḥ, mucyantāṁ pakṣiṇō ’pi pañjarēbhyaḥ’ iti śrūyamāṇēṣu paritaḥ parijanālāpēṣu lāsyōnmādini mr̥dumaṅgalōdgāramukharē saṁcarati purapathēṣu pauranārījanē sa divasaḥ saṁprāptasvargasukhasyēva bhuktāśēṣabhuvanasyēvā svāditāmr̥tarasasyēvānubhūtaparamānandasyēva rājñaḥ kr̥takr̥tyatāṁ manyamānasyātikrāntavān.