Nalacampu 4.180

4.180

prasthitē ca tasminparihr̥tarājyē rājani, rajanīviyujyamānacalaccakravākīṣviva kr̥takaruṇākrandāsu prajāsu, pratibhavanamuccalitēṣu jaratpaurajanēṣu, ‘kalyāṇina, ēṣa pitr̥praṇayapraṇāmāñjalirasya kramāgatakarmakāriṇaḥ śrutaśīlasya kr̥tāparādhasthāpi tvayā sahanīyāḥ katipayē ’py asmadanukampayāparādhāḥ.paśya. payōrāśērnōdvēgāya mr̥gāṅkasya mīlaṁyantō ’pi kamalākarānkarāḥ.kiṁ na sahantē sumanasō ’pi bhramarabharabhañjanāni’ ity abhidhāya samarpya ca svasutamuñcalitē ca prēmṇānugatabhūbhuji bhujāyāmanirjitasālē sālaṅkāyanē, vālamassya iva śuṣyatsaraḥ salilasaṁtāpavēpitāṅgaḥ, karikalabha iva viyujyamānayūthapatiḥ, patadubahalabāppavindusaṁdōhairvakṣasi vidhīyamānahāraḥ ‘hā tāta’ iti bruvannalō na lōcanē taṁ divasaṁ samudamīlayat.