Nalacampu 6.16

6.16

ēvam abhivandya dēvadēvam, samāruhya vijayivāraṇēndra skandham, aprataḥ pradhāvitānēkakarituragaparijanaḥ, puraḥ purōdhasā nirvārttitē mahānadīyāgē’ yugasahasraparivarttavr̥ttāntasākṣiṇīm, anavaratatapasyadbrahmarṣi pratiṣṭhita śiva liṅgaruddharōdhasam, anēkasurasundarīsēvitatīrasaṁkētalatā maṇḍapām, anavaratamajjadvanagajamadāmōdasurabhitataraṅgām, aparagaṅgām, aparasāgararājamahīṣīm, aparamārkaṇḍēyatapaḥ siddhisakhīma, samuttīrya bhagavartī mēkalakanyām, utphullapalavitākōllasallakīsaralasālasarjārjuna nimva kadamba jambūstamvōdumbarakhadirakarañjāñjanāśōkasaubhāñjanakaprāyaistarubhirāṁkīrṇama, abhimataṁ mataṅgajānām, anubhūtasāraṁ sāraṅgaiḥ, śiśirataraṁ taraṅgānilaiḥ, svargavanasamaṁ samañjarīkailatājālakairulaṅghya dakṣiṇa narmaṁdātīrapuṇyāraṇyam, agratō, gaganavīthim iva siṁharāśirājitāmutpataṅgāmutthitavr̥ścikāmā vibhūtasārdrarōhiṇīmūlāṁ ca, chandōjātim iva śārdūlavikrīḍitamanōharāṁ hārihariṇīmandākrāntāmanavarata vasantatilakōdbhāsitāmativicitracampakamālāṁ ca, sītām iva bahukōṭarāvaṇavr̥tāmutpanakuśalacāṁ ca, laṅkām iva saṁcaradvaguṇapañcānana vibhīṣaṇāṁ cārupuṣpakāmakāēḍāḍamvastimēghanādāṁ ca, gōtavidyām iva tatāvanaddhaghanasuṣiravaṁśasvanamanōharāmanēkatālabhēdāṁ niṣādar̥ṣabhamadhyamagrāmayuktāṁ.ca, citravidyāmivānēkakaēṭakapatralatāsthānakaviṣamāmr̥jvāgatapāpasāṁ ca, kaliyugaśivaśāsanasthitim iva mahāvratikāntaḥpātibhiḥ kālamukhairvānaraiḥ saṁkulāmanēkadhābhicasrōtasaṁ ca, kāpālikakhaṭvāṅmayaṣṭim iva samudrōpakaṇṭhalanām, māyām iva śambarā dhiṣṭhitām, marubhūmim iva karīraiḥ kēsariprasavairasaṁcārām, aticārucandanaiḥ kr̥tagōrōcanāviśēṣakairakṣatadūrvāvāhibhirārabdhamaṅgalācārair iva tr̥ṇasthalairalaṁ kr̥tām, vividhavyādhāṁ vindhyāṭavīmavagāhamānō mēṣavr̥ṣa mithunayujaḥ ḥ sadhanuṣaḥ sakumbhakanyānēkatra rāśībhūtāngirigrāmapāra lōkānālōkayan, ‘iyaṁ gaganavī thīva citraśikhaṇḍimaṇḍitā sarittīrabhūmiḥ, iyaṁ sarid iva bahutaraṅgōpaśōbhitā gōṣṭhavasatiḥ, iyaṁ ca nakṣatramadhyagatāpi na viśākhā tarupaḍiḥ, iyaṁ puṣpavaty api na dūṣitasparśā vīruta, iyaṁ saṁnihitamadhudānavāpi haripriṁyā vaṁśajāliḥ, iyaṁ kr̥tamātaṅgasaṅgāpi na parihatā dvijaiḥ sanakīsaṁtatiḥ, imē ca kēcirasaśikhaṇḍinō mahādrupadāḥ, kē ’pi vicchinnakīcakavaṁśā vr̥kōdarā, kēcitsapuṇḍarīkākṣāḥ pāṇḍusaṁtānakāḥ, kē ’py uddhr̥tabhuvō mahāvarāhāḥ, kēṣyutkr̥ṣṭasurabhiśrīdumāvaliharikarākr̥ṣṭapannaganētrāḥ sphuranmaṇibhittayō ’mandarāgāḥ, kē ’pi sasthāvaṇō durgāśrayā, śrūyamāṇagajavadanacīraskārāḥ saguhāḥ kailāsaṁkūṭāyamānāḥ sēvyāḥ khalv amī vindhyā skandhasaṁdhisānavaḥ’ iti mantrisūnunā śrutaśīlēna saha vihitavidagdhālāpaḥ, kayāpi vēlayā kamapyadhvānamatikasya kvāpyaparimitapatannirjarajalatuṣāra sparśamañjaritapādapapuṣpaparimalamilanmadhukarabhaṅkārahāriṇi ramamāṇaśavaramithuna saṁmardamr̥ditāmandamr̥duśādvalē jalasthalī pradēśē śrāntasainikānukampayā prayāṇa vicchēdam akarōt.