Nalacampu 7.114

7.114

atha kramēṇa pūrvapayōdhipulinādrājahaṁsa iva gagana mandākinīmuccalitaḥ, kēsarikiśōra ivōdayagiriguhāgahvarāttimirakariyūthapapr̥ṣṭhalagnaḥ, sphaṭikamayaḥ pūrṇakumbha iva jagadvijayaprasthānasthitasya maṅgalāya makarakatōḥ kēnāpi sa jīkr̥taḥ, śrīkhaṇḍapiṇḍa iva maṇḍanāya mahēndradiśā hastaślēṣōpalālitaḥ, śaṅkhikāpuṣpastabaka iva gaganaśriyā śravaṇē saṁyōjitaḥ, kumbha ivaikaḥ prācīva navihārisurakarīndrasya prakaṭatāṁ gataḥ, vāsaravirāmavallīmullaya kanda ivōddhr̥tō niśāśabarikayā, pāṇḍupuṣpākṣataguñjāpuñja iva siddhavadhūbhirudayācalacatuṣpathē viracitaḥ, gaṇḍaśaila iva kailāsaśikharālluṭhitvāgataḥ, sīmantamau ktikam iva pūrvadiṅamukhasya, sitātapatram iva pūrvāśādhipatēḥ purandasya, krīḍāmauktikakanduka iva kālakumārasya kṣīraḍiṇḍīrapiṇḍasadgaśō dr̥ṣṭipathamavanatāra tārāpatiḥ.