Treasury of Narratives (Caturviṃśatiprabandha) 17.20

17.20

atha cāpalyāṅgīkṛte kaścit tayoḥ tathāpi kṣemaḥ kutaḥ | ataḥ svakīyamantukṣamaṇopāyo'yaṃ
tasya†| kāśyadhipo'pi kāśyāsannaṃ gataḥ san vidyādharamādiśat-lakṣaṇāvatīśāddaṇḍadhanaṃ caturdiggamilitebhyo'rthibhyo dehi | yena yaśāṃsi praidhante | vidyādharo'pi svāminaṃ nigadati sma-deva ! kumāradevena mahyaṃ ratnamekaṃ daṇḍapade dattamasti | tena sadyaḥ kathaṃ hema niṣpadyate ? | rājoce-tarhi ratnaṃ darśaya
15 atha tena patrīgataḥ śloko'darśi, kumāradevāgamanavṛttāntaśca proktaḥ | vidyādharamukhācca tadavadhārya
jayantacandro jajalpa analpadhīḥ-mantrin ! tadaiva kiṃ neyaṃ patrī darśitā, yena tebhyo viśiṣṭāṃ
kṛpāṃ kurmastadaiva | tvayā svadhanārpaṇāṅgīkāreṇaiva vayaṃ tata utthāpitāḥ | prāpito daṇḍo'smabhyaṃ
kila, tena hemāṣṭādaśalakṣāṇi kośādākṛṣyārthibhyo dehi | aṣṭādaśahemalakṣāstu kṛpāprasādapade
lakṣaṇasenāya, aṣṭau hemalakṣāḥ kumāradevāya preṣaya | tathaiva kṛtaṃ vidyādhareṇa | praviṣṭau kāśīṃ tau
20 sphītaṃ rājyaṃ bhuṅktaḥ | ṣaḍviṃśatihemalakṣeṣu tatra gateṣu lakṣaṇasenena kumāradevaḥ pṛṣṭaḥ-kimidam ?
kumāraḥ smitapūrvakamācaṣṭa-tvāṃ virodhya kaḥ sukhī tiṣṭhet | 'tato'riṇā daṇḍaste'rpitaḥ | pipriye
pṛthvīpatiḥ, mumude prajā, vavṛte mahotsavaḥ | evaṃ mantriṇaḥ kālajñāḥ sugūḍhāśayāḥ loka-bhūpayoḥ
kāryaṃ kuryuriti
iti lakṣaṇasena-kumāradevaprabandhaḥ samāptaḥ