Treasury of Narratives (Caturviṃśatiprabandha) 18.1

18.1

21. atha madanavarmaprabandhaḥ
§ 107) caulukyavaṃśyo mūlarāja-cāmuṇḍarāja-durlabharāja-bhīmānvaye karṇadevajanmā mayaṇallādevikukṣibhūrdvādaśo rudra iti viditabirudaḥ śrījayasiṃhadevanāmā mahīpatirabhūt | sa aṇahillapattanānnirgatyāmitaiḥ sainyairmālavadeśarājadhānīṃ dhārāṃ dvādaśabhirvarṣairjagrāha | pratolītrayaṃ sphoṭayitvā
yaśaḥpaṭahakuñjareṇa lauhīmargalāmanvabhañkta | sā'dyāpi devapattane śrīsomanāthāgre dṛśyate | yaśaḥpa30 ṭaho mṛtvā vyantaro'bhūt | jayasiṃho madhye parapuraṃ praviṣṭo naravarmāṇaṃ ‡mālavendraṃ jīvagrāhamagrahīt
dvādaśavarṣāṇi jayasiṃhasya khaḍgo niṣpratyākāro'syāt, naravarmacarmaghaṭitameva pratyākāraṃ karomīti
pratijñāvaśāt | ata eva hastyārūḍhaṃ naravarmmāṇaṃ bhūmau pātayāmāsa | vitastimātraṃ carmāṅghrisatkamudatītarat | atrāntare pradhānairvijñaptam-rājan ! rājā'vadhya eveti nītivacaḥ | tasmānmoktumarho'yam | tato muktaḥ saḥ | muktvā̍ kāṣṭhapañjare kṣiptaḥ | naravarmacarmā'nyacarmabhyāṃ siddharājena
nijakṛpāṇe pratyākāraḥ kāritaḥ | tataḥ kavīśvarairvividhaṃ stūyate saḥ220. ekadhārāpatitste'dya² dvidhāreṇāsinā jitaḥ | kiṃ citraṃ yadasau jetuṃ śatadhāramapi kṣamaḥ