Treasury of Narratives (Caturviṃśatiprabandha) 17.5
Prabandhakośa 17.5
- Language
- Sanskrit
17.5
vidyā-kanyā-lakṣmyo hi kusthāne niveśitā niveśayitāraṃ śapanti | nāmaladevīmataṃ 'kanīmataṃ
ca lātvā takṣakeṇaiva vatsarājamājūhavat | praveśamahamacīkarat | vivāhaḥ prārabdhaḥ | prathamāyāṃ
dakṣiṇāyāṃ savatsā gauḥ kāmadhenurlabdhā | dvitīyāsyāṃ viśiṣṭā nāgavallī | tṛtīyāsyāṃ sopadhānā
khaṭvā satūlīkā | caturthyāṃ ratnodyoto dīpaḥ | evaṃ ratnacatuṣkeṇa satkṛtya sajāyaṃ jāmātaraṃ
kauśāmbīṃ purīṃ prati preṣayat | gataḥ svapuraṃ | tatra ṛddhaṃ rājyaṃ bhunakti
211. sudhādhautaṃ dhāma vyayabharasahasrārthinavahaḥ, sakāmā vāmākṣī suhṛdapi nivedyātmahṛdayaḥ
guṇānāmanveṣṭā prabhurapi ca śāstravyasanitā, purā''cīrṇasyaitat phalamalaghu tīvrasya tapasaḥ