Treasury of Narratives (Caturviṃśatiprabandha) 7.57

7.57

iti vacanādvisṛṣṭo'gniḥ | jīvito rājā | tuṣṭo lokaḥ | prītaḥ sūriḥ
§ 46) samayāntare vākpatirājo mathurāṃ yayau | tatra śrīpādastridaṇḍī jajñe saḥ | tallokādavagamya
āmaḥ sūrīn babhāṣe-bhavadbhirahamapi śrāvakaḥ kṛtaḥ | divyā vāṇī vaḥ prasannaiva | jānāmi vaḥ
śaktiparamarekhāṃ yadi vākpatimapyārhatadīkṣāṃ grāhayatha | ācāryaiḥ pratijñā cakre-tadā vidyā me
pramāṇaṃ yadi vākpatiṃ saśiṣyaṃ śvetāmbaraṃ kurve | vākpatistu kvāsti, iti ucyatām | rājñoktammathurāyāṃ vidyate | sūrayo mathurāyāṃ gatā bahubhiḥ śrīāmāsanaraiḥ saha | varāhamandirākhye prāsāde
dhyānasthaṃ vākpatiṃ gatvā'drākṣuḥ | tatpṛṣṭhasthaiḥ sūribhistārasvareṇa āśīrvādāḥ paṭhitumārabdhāḥ117. sandhyāṃ yatpraṇipatya lokapurato baddhāñjaliryācase, dhatse yacca parāṃ vilajja ! śirasā taccāpi soḍhaṃ mayā
śrīrjātā'mṛtamanthanādyadi hareḥ kasmādviṣaṃ bhakṣitaṃ, mā ślīlampaṭa ! māṃ spṛśetyabhihito gauryā haraḥ pātu vaḥ