Treasury of Narratives (Caturviṃśatiprabandha) 7.56

7.56

prātaramūni padyāni svayamāmo dadarśa | varṇān kavitvagatiṃ ca upalakṣayāmāsa | aho gurūṇāṃ
mayi kṛpā ! ahotāmāṃ mama pāpābhimukhatā !- iti lalajje | dadhyau ca-sāṅkalpikamidaṃ janaṅgīmasaṅgamapāpaṃ mayā''caritam | bhārito'haṃ kva yāmi ?, kiṃ karomi ?, kathaṃ gurormukhaṃ darśayāmi ?, kiṃ
tapaḥ samācarāmi ?, kiṃ tīrthaṃ seve ? | ūrdhvaṃ mukhaṃ gṛhītvā gacchāmi ?, kūpe patāmi ?, śastreṇātmānaṃ
ghātayāmi ? | athavā jñātam-sarvajanasamakṣaṃ pāpamudgīrya kāṣṭhāni bhakṣayāmi | evaṃ ṭalabalāyamāno'nucarānādideśa-agniṃ praguṇayata | praguṇitastairagniḥ | samāgatāḥ śrībappabhaṭṭisūrayaḥ | melitaṃ
cāturvarṇyam | uktaṃ tadagham | yāvatsahasā kṛśānuṃ pravekṣyati āmastāvatsūribhirbāhau dhṛtvoktaḥrājan ! śuddho'si | mā sma khidyethāḥ | tvayā hi saṅkalpamātreṇa tatpāpaṃ kṛtaṃ na sākṣāt | saṅkalpenāgnimapi praviṣṭo'si | ciraṃ dharmaṃ kuru
116. manasā mānasaṃ karma vacasā vācikaṃ tathā | kāyena kāyikaṃ karma nistaranti manīṣiṇaḥ