Induduta 66

66

itthaṃ sthitvā sthirataradhiyāṃ lokanīyo'rbudādri-
rasyā dṛṣṭā jagati hi jano gaṇyate garbha eva :
dṛṣṭvā cainaṃ vraja gajapate satvaraiḥ pādapātai-
rnīlasyaṃ sthādupakṛtikṛtāṃ tvādṛśāṃ hyuttamānām
grāmyāmasmādraja nagavarānmāravīnāṃ navīnāṃ
śrīkhaṇḍārcāṃ vapuṣi racayaṃścandrikāṇāṃ taraṅgaiḥ
siddhadraṅge kṣaṇamatha sarasvatyupete vilambya
rājadraṅgaṃ bhuvanaviditaṃ yāsyasi va nimeṣāt
tatrālokya svapatitanayaṃ rājatejo'bhirāmaṃ
darbhāṅkūracchalapulakitā tvāmupasthāsyate'sau .
āmūlāgraṃ taralitatanurvīcihastairudastai-
rdūrādāliṅgitumiva rasātsābhramatyabdhikāntā .. 65 ..
eṣā kvāpi pracurataramaiḥ kānanaiḥ kanakūlā
kvāpi krīḍadyuvatinikarairapsaraḥseviteva .
sadveṣeva kvacana vitatairambarairdhautamuktai-
rmuktāśuktyāvalirucitaraiḥ kvāpyalaṃkāriteva .. 66 ..