Induduta 82

82

ratnajyotiḥ kanakarajatajyotiraṭṭāvalīṣu
strīpuṃsāṅgābharaṇataruṇajyotiratra pradoṣe .
dīpaśreṇīprakaṭitapaṭujyotirindostvadīya-
jyotiryoge bhavatu vividhajyotiṣāṃ saṃnipātaḥ .. 77 ..
tatra pratyāpaṇamanugṛhaṃ dīpakānāṃ kadambe
stokaṃ paurāṇika iva niśi vyañjayatyarthajātam .
gatvā prāmāṇika iva mahāvyañjayansarvato'rtha
vailakṣyaṃ taṃ taralitakaraḥ prāpayiṣyatyavaśyam .. 78 !
tasmāddaṅgācchamanakakubhiḥ prasthitasyāntarā te
svargākāraṃ nagaramaparaṃ lāṭadeśasya puṇḍram .
darśa darśa manasi paramaprītirāpatsyate ya-
nnānālakṣmīruciravapuṣāṃ tatra vāso janānāma !!
laṅkāśaṅkāṃ manasi dadhatī toyarāśau mamajjā-
tīte dṛgbhyo vasati ca pade hanta vakhokasāga .
pātālaṃ prāviśadapamadā sāpi bhogāvatī māṃ
dṛṣṭvā ramyāmanupamatamāṃ vāṭapadrīmabhigvyām .. 8 ..
madhye'styatra pracurasukha(pa)mo maṇḍapo'tyantatuṅga-
statra sthitvā catasṛṣu diśāsvīkṣaṇīyaṃ tvayendro.
draṣṭāsi drākśriyamanupamāmasya viṣvakpurasya
ramyaṃ hyetacchucirucicaturdvāracaityānukāram .. 81 ..
atyāsannaṃ bhṛgupuramito yāsyasi prauḍhadurgāṃ
durgandhāśojjhitamatisurairbhūri paureḥ parītam .
bhūpīṭhe matsadṛśamaparaṃ vartate vā na veti
draṣṭuṃ raṅgāntaramiva samārūḍhamuñcapradeśam .. 82 ..