Meghaduta 1.47

1.47

tāmiti || tāṃ carmaṇvatīmuttīrya dhruvo latā iva bhrūlatāḥ || upamitasamāsaḥ || tāsāṃ vibhramā vilāsāḥ paricitāḥ kṛtā yeṣu teṣāṃ pakṣmāṇi netralomāni || “pakṣma sūtre ca sūkṣmāṃśe kiñjalke netralomani” iti viśvaḥ || teṣāmutkṣepādunnamanāddhetoḥ | kṛṣṇāśca tāḥ śārāśca kṛṣṇaśārā nīlaśabalāḥ || “varṇo varṇena” iti samāsaḥ || “kṛṣṇaraktasitāḥ śārāḥ” iti yādavaḥ || tataśca śāraśabdādeva siddhe kāṣrṇye punaḥ kṛṣṇapadopādānaṃ kāṣrṇyaprādhānyārtham | raktatvaṃ tu na vivakṣitamupamānānusārānnasya svābhāvikasya strīnetreṣu sāmudrikavirodhāditarasyāprasaṅgāt | kacidrāvakathanaṃ tūpapattiviṣayam || upari vilasantyaḥ kṛṣṇaśārāḥ prabhā yeṣāṃ teṣām | kundāni māghyakusumāni || “mādhyaṃ kundam” ityamaraḥ || teṣāṃ kṣepa itastataścalanaṃ tasyānugā
anusāriṇo ye madhukrāsteṣāṃ śriyaṃ muṣṇantīti tathoktānām | kṣipyamāṇakundānuvidhāyimadhukarakalpanāmityarthaḥ | daśapuraṃ rantidevasya nagaraṃ tasya vadhvaḥ striyaḥ || "vadhūrjāyā snuṣā strī ca" ityamaraḥ || tāsāṃ netrakautūhalānāṃ netrābhilāṣāṇām | sāmilāṣadṛṣṭīnāmityarthaḥ | ātmabimbaṃ svamūrtiṃ pātrīkurvanviṣayīkurvanvraja gaccha ||