Meghaduta 1.49

1.49

hitveti || bandhuprītyā kurupāṇḍavasnehena || na tu bhayena | samaravimukho yuddhaniḥspṛhaḥ | lāṅgalamasyāstīti lāṅgalī haladharaḥ | abhimataresāmabhīṣṭasvādāṃ tathā revatyāḥ svapriyāyā locane evāṅkaḥ pratibimbitatvāccihnaṃ yasyāstāṃ hālāṃ surām || “surā halipriyā hālā” ityamaraḥ || “abhimayuktaṃ deśabhāṣāpadamityatra sūtre hāleti deśabhāṣāpadamapyatīva kaviprayogātsādhu” ityudājahāra vāmanaḥ || hitvā tyaktvā | dustyajāmapīti bhāvaḥ | yāḥ | sārasvatīrapaḥ siṣeve | he saumya subhaga, tvaṃ tāsāṃ sarakhatyā nadyā imāḥ sārasvatyastāsāmabhigamaṃ sevāṃ kṛttvānto'ntarātmani śuddho nirmalo nirdoṣo bhavitā || “ṇvustṛcau” iti tṛc || api sadya eva pūto bhaviṣyasītyarthaḥ || “vartamānasāmīpye vartamānavadvā” iti vartamānapratyayaḥ || varṇamātreṇa varṇenaiva kṛṣṇaḥ śyāmaḥ | na tu pāpenetyarthaḥ | antaḥśuddhireva saṃpādyā na tu bāhyā | bahiḥśuddho'pi sūtavadhaprāyaścittārthaṃ sārasvatasalilasevī tatra bhagavānbalabhadra eva nidarśanam | ato bhavatāpi sarasvatī sarvathā sevitavyeti bhāvaḥ ||