Meghaduta 2.39

2.39

aṅgeneti || kiṃ ca | dūravartī dūrasthaḥ | na cāgantuṃ śakyata ityāha | vairiṇā virodhinā vidhinā daivena ruddhamārgaḥ pratibadvavartmā sa te sahacaraḥ tanunā kṛśena gāḍhataptenātyantasaṃtaptena sāstreṇa sāśruṇā | utkaṇṭhā vedanāsya jātotkaṇṭhitastenotkaṇṭhitena || “tadsya saṃjātam—” ityādinetcapratyayaḥ | utkaṇṭhatervā kartari ktaḥ || samadhikataramadhikamucchvasitīti samadhikataro-cchāsi tena || dīrghaniḥśvasinetyarthaḥ || tācchīlye ṇiniḥ || aṅgena svaśarīreṇa pratanuṃ kṛśaṃ taptaṃ viyogaduḥkhena saṃtaptamaśrudrutamaśruklinnam || aśru netrāmbu | “rodanaṃ cāsramasru ce”ityamaraḥ || aviratotkaṇṭhamavicchinnavedanamuṣṇocchvāsaṃ tīvraniḥśvāsam “tigmaṃ tīvrāṃ kharaṃ tīkṣṇaṃ caṇḍamuṣṇaṃ samaṃ smṛtam” iti halāyudhaḥ || aṅgaṃ tvadīyaṃ śarīraṃ taiḥ svasaṃvedyaiḥ saṃkalpairmanorathairviśati | ekībhavatītyarthaḥ || atra samarāgitvadyotanāya nāyakena nāyikāyāḥ samānāvasthatvamuktam ||
saṃprati svāvasthānivedanāya prastauti-