Meghaduta p103

p103

atha saṃdhyāvasāne nivṛttanirvṛttotsavasya gaurīpateḥ sevāyā asamayatvādanaucityānmahākālato nirgatasyāsya lalitaṃ vyāpārāntaraṃ vidadhāti— gacchantīnāmiti | gacchantīnāṃ na tu nīyamānānām| anena sahāyarāhityaṃ dhvanitam| ramaṇavasatiṃ priyatamamandiramiti, smaraśaratvalātkāreṇaikākinīnāṃ timiramavigaṇayyāpi gamanodyogaḥ śobhata iti bhāvaḥ| tatra ujjayinyām| naktaṃ rātrau iti, priya idānīmeṣyatīti pratyāśayā kaṃcitkālaṃ pratīkṣya tadanāgamanaṃ niścitya prauḍhapradoṣe nirgamaṃ vyañjayati| ruddhāloke nidratanisronnatādidarśane| narapatipathe rājavīthyām| sūcibhedyaiḥ sūciḥ śastrāviśeṣastīkṣṇāgraḥ, tayā bhettuṃ yogyaiḥ| anena bahulatvātiśaya uktaḥ| saudāmanyā vidyutā| kanakakanikaṣaḥ hemanikaṣarekhā tadvat snigdhayā, sāhacaryāt kapilayā ca, darśanamātropayuktayā na tu nayanapratighātinyetyarthaḥ| tatkṣaṇe ca locanacākityasyāvaśyaṃbhāvāt 'vidyuddāmasphuraṇacakitaiḥ' ityuktamanusaṃhitam| toyotsargo varṣaṇam, tadarthena garjitena, athavā toyotsargeṇa stanitena ca, vācālaḥ| mā bhūḥ| kutaḥ? viklavāstāḥ| tacchandaḥ prasiddhau, saukumāryādiguṇaviśiṣṭā yoṣitaḥ parāmṛśati| viklavāḥ adhīrāḥ| yato gambhīrabhīṣaṇe tava garjite jṛmbhamāṇe sasaṃbhramaparirambhocite dayitajane cāsannihite tāsāmatisukumārīṇāmacintanīyāpi kāpi daśā saṃbhāvyata iti bhāvaḥ| atra mukharatvavi-