Meghaduta p143

p143

anena śuddhadhavalatvopādanena paṭīrapaṅkādivat kāntiheturevāsya himānī na tu saubhāgyavilopinīti, kumārasaṃbhave 'anantaratnaprabhavasya yasya himaṃ na saubhāgyavilopi jātam' iti kavinā pratijñātasyaṃ nirvāhaḥ kṛtaḥ| gauratvaṃ ca haratrapasāmyasācivyenātropayujyate| vakṣsi dhārayiṣyasi| adhvaśramavinayane mārgakhedasya nivārake| adhvaśramavinayanaṃ nimittamiti nimittasaptamī vā| anena mṛgamadaparimalāghrāṇena, tuṣāraśīkaraśiśirasya bhāgīrathīsparśapāvanasya pavanasya nipevaṇena cātrādhvaśramaḥ kṣaṇātkāṣyapayāsyatīti dhvanyate| śṛṅge śikhare, viṣāṇe iti ca sphurati| 'krīḍāmbuyante śṛṅgo'bhrī parvatāgraprabhutvayoḥ| paścaṅge ca' iti vaijayantī| śubhratrinayanatrayotkhātapaṅkopameyāṃ kailāsagaureṇa parameśvaravāhanapuṃgavena krīḍayā śṛṅgāgroddhṛtanadītaṭapaṅkopamātuṃ yogyām| vṛṣāṇāṃ paṅkotkhananaṃ ca svabhāvaḥ; yathā raghuvaṃśe— 'madodgrāḥ kakudmantaḥ saritāṃ kūlamuddhunnāḥ' iti, 'śṛṅgāgralagnāmbudavaprapaṅkaḥ' iti ca| harṣacarite ca 'prakaṭakalaṅkamudayamānaṃ viśaṅkaṭaviṣāṇotkīrṇapaṅkāṅkaśākarakakudasaṃkāśam' iti | atropamālaṃkāraḥ |