Meghaduta p150

p150

atha tatrānāyāsenaivopāsanīyaṃ śreyaḥsādhanamupadiśati— tatreti | tatra himavati | vyaktaṃ bhasitaliptvādiliṅgaiḥ spaṣṭam | athavā dṛṣadi śilāyāṃ na tu śilāsu vyaktaṃ kasyāñcitpavitrāyāṃ dṛṣadi bhaktyanugrahāya prabhāvādavagāḍhamarpitaṃ gayādivat | caraṇanyāsaṃ pādanidhānamudrām | ardhendumauleḥ sākṣācchivasya | śaśvat vratena | siddhaiḥ devayoniviśeṣaiḥ | athavā kapilādibhiḥ paramayogibhiḥ 'siddhānāṃ kapilo muniḥ' iti bhagavadvacanāt | upahṛtabaliṃ upāditapūjam | bhaktinamraḥ bhaktyā praṇataḥ | parīyāḥ pradakṣiṇaṃ parikrāmeḥ | dṛṣṭe darśanaviṣayīkṛtamātre | karaṇavigamāt vartamānasya śarīrasya prārabdhakarmaparikṣayeṇa patanāt | ūrdhvam anantaram | 'karaṇaṃ kāraṇe kāye' iti vaijayantī | udbhūtapāpāḥ anekajanmatrāsitamapi jhaṭiti dṛṭhāt viśleṣitaṃ duḥkhabījaṃ duritaṃ yeṣām | anena darśanātprabhṛti pāparāhityāt yāvatkaraṇatrigamamaihikasukhānāmapi bhājanaṃ bhavantīti dyotyate | kalpiṣyante yogyā bhaviṣyanti, 'tadaṅgasaṃsargamavāpya kalpate dhruvaṃ citābhasmarajo'pi śuddhaye' itivat | 'namaḥsvastisvāhāsvadhālaṃ vaṣaḍayogācca' iti sūtre alaṃśabdasyārthagrahaṇāt paryāptivācinaḥ klṛpidhātoryoge prāptaya iti caturthī | sthiragaṇapadaprāsaye indrādipadavatkatipayayugāvasthānalakṣaṇāsthairyarahitaśāśvatapārṣadasvarūpopalabdhaye ; tatprasādānmuktānāmapi paśutvākhyamalavirahāt sarvajñatvādiśivalakṣaṇaviśiṣṭatvācca śivatvanityatvameveti bhāvaḥ | 'muktātmano'pi śivāḥ kiṃvete tatprasādato muktāḥ | so'nādimukta eko vijñeyaḥ pañcamantratanuḥ' ityāgamātteṣāmanādimuktatvasyaiva niṣedhāttaditaraguṇānumatiḥ | śraddhānāḥ āstikyārdrīkṛtacetasaḥ | 'tayeti pratyayaḥ śraddhā' iti halāyudhaḥ | śraddhāpūrvikāyā eva pravṛtteḥ sarvatra sāphalyamiti bhāvaḥ ; 'hatamaśraddhetarat' iti smṛteḥ | dṛṣṭa iti, darśanamātrasyeyaṃ pariṇatiḥ; pradakṣiṇanamaskarādiṣu kṛtāsu kriyāsu kimucyatāmiti bhāvaḥ | aprastutapraśaṃsālaṃkāraḥ, kārye prastute kāraṇasyābhidhānāt |