Meghaduta p181

p181

yamāvedayati— yatra strīṇāmityādi| priyatamabhujocchvāsitāliṅgitānāṃ priyatamānāṃ bhujaiḥ saṃjātocchvāsaṃ yathā tathā gāḍhamupagūḍhānām| priyatameti, tadaṅgasaṅgasyāmṛtāyamānatvena suṣṭudamapyāliṅganaṃ kisalayamṛdulābhirapi sahyata iti dyotyate| bhujeti, priyatamānāṃ dayayā mṛdūpakrame'pi tadbhujānāṃ priyāgātrasparśasukhagrahagrastatayā tadaṅgaṃ pravivikṣatāmiva abhedamabhilaṣatāmiva nirbharaparirambhārambhaḥ sūcyate| aṅgaglānim aṅgānāṃ vyāpārāsahamavasādam| suratajanitāṃ suratāyāsaṃbhṛtām| tantujālāvalambāḥ vitānādhobhāge sūtrasamūhagrathitāḥ, gulikākārāḥ mālātmanāvalambamānāḥ| tathātvaṃ ca jalalavasyanditvokteḥ sidhyati; anyathā jaladhārāsyandasaṃbhavāt| tvatsaṃrodhāpagamaviśadaiḥ meghācchādanaviraheṇa nirmalaiḥ| athavā 'bāhyodyānasthitaharaśiraścandrikādhautaharmyaiḥ' ityuktatvāt nityaṃ meghācchanupahatairhaṃraśiraścandrasya kiraṇairityarthaḥ| candrapādairiti, jalabindusyandanahetuḥ| hetau tṛtīyā, sahārthe vā| niśītha iti, atyāyataratasaṃbhṛtasya śramasya prāvalyaṃ dhvanyate; yataḥ svata eva śītalatareṇa madhyarātrasamayenāpyanapaneyā glāniścandrakāntajalavindusaṃtānairavalupyata iti vyālumpanti viśeṣeṇa samantāñca nāśayanti| sphuṭajalalavasyandinaḥ śaityādiguṇayogāt vyaktataravāribindusrāviṇaḥ| candrakāntāḥ candradarśane dravībhāvaśīlāḥ śilāviśeṣāḥ| atra karatalasparśakleśitānāṃ mālatīmālikānāṃ jalaśīkarāvasekenāśvāsayiturmālikasya samādhiranusaṃdheyaḥ| udāttamalaṃkāraḥ |