Meghaduta p186

p186

atha lakṣaṇāntaramāha— vāpī cāsminnityādinā| 'vāpī tu dīrghikā' ityamaraḥ| svacchavāripūritatvāt parabhāgaśobhārtha śyāmalagārutmataratnaśilāghaṭitāvataraṇamārgā| haimaiḥ suvarṇamayaiḥ, divyadeśaprabhāvāttathātvenotpadyamānaiḥ | sphītāḥ samṛddhāḥ| kamalamukulaiḥ padmakośaiḥ| mukulopādānamanudinavikāsināṃ kamalānāmavicchedakhyāpanārtham| matpriyayā matsamāgamaphalasiddhaye devatārcanāya nityameva vikasitamātreṣu kamaleṣvākṣiseṃṣu mukulamātrāvaśiṣṭatvaṃ mukulaśabdena dyotyate, 'tralivyākulā vā' ityupaparyukteḥ| avaśiṣṭamukulatvāhulyādeva samṛddheti cocyate| dīrghavaiḍūryanālaiḥ agādhajalatayā vahvāyāmaivaiḍūryaratnasvarūpairdaṇḍairviśiṣṭaiḥ| vaiḍūryanālatvamapi divyatvātsvābhāvikam| tīre taṭagatatalatāmaṇḍapādiṣu| toya iti vā pāṭhaḥ, jalagatanalinīdalādiṣu| kṛtavasatayaḥ kalpitakulāyāḥ| anena tatra teṣāṃ sthiratvabuddhiḥ prakāśyate| mānasaṃ brahmaṇā manasā nirmitaṃ divyaṃ saro mānasākhyam| anena prasiddhānāṃ gabhīramadhurasvacchatvādīnāṃ tadguṇānāṃ pratītiḥ| saṃnikṛṣṭam atyāsannadeśāsthitamiti, anādareṇaiva na tu dūratvāditi dyotyate| na dhyāsyanti na tu gamiṣyanti, manasāpi na cintayiṣyantītyarthaḥ| tvāmapi prekṣya bhāratabhāge jalakaluṣīkārādinā śokahetutvādutsārakaṃ bhavantaṃ dṛṣṭvāpi| vyapagataśucaḥ viśeṣeṇanirastaśokāḥ śokakāraṇasya jalakāluṣyaśaṅkāderdūrotsāritatvāt| agādha-