Meghaduta p202

p202

atha tāṃ madhriyāṃ vijānīhītyāha— tāṃ jānīyā ityādi| pari mitakathāṃ satyamadhurahitārthamalpabhāṣiṇīm, vācālatāyāṃ tathātvānupapatteḥ, 'na duṣṭāṃ duṣṭavākchalyām' iti niṣedhasmṛteḥ| upalakṣaṇaṃ caitat sphuṭahāsanivṛtterapi, 'sphuṭahasitanivṛttiṃ śīlavṛttiṃ ca kuryāt' iti bhāryādhikārikokteḥ| jīvitaṃ prāṇān| me iti| yaddhiraheṇedṛśī daśā yena mayā samanubhūyate, tasya me iti na kevalamupacāravacanamidam, api tu kāryato bhavatā dṛṣṭamevetyarthaḥ| jīvitamityanena tasyā apāye svasyāpi śarīrasya sulabhāpāyatvaṃ dyotyate, prāṇāpāye śarīrapatanasya prasiddhatvāt| dvitīyam etaccharīravartiprāṇavyatiriktam| etena lokalocanagrāhyaṃ śarīrabhedamātrameva, na tvāntarajīvitabhedaśaṅkāpīti dhvanyate| dūrībhūte na tvadṛṣṭamātre dūradeśavartī dūraḥ, tathābhūte| sahacare svapne'pyapṛthaksaṃcāriṇi| sahacare dūrībhūte iti, kadācidapi gaganakusumavadasaṃbhāvitametat niṣkāraṇavairadāruṇena vidhinā dūrībhūtatvaṃ kathaṃ mamopanāmitamiti daivaṃ prati sāsūyo vitarko dhvanyate| ekāṃ cakravākīmiva parasparapremaparatantratayā prasiddhayoścakravākayoḥ sahacaraviraheṇādvitīyāṃ vihārāhāranispṛhāṃ cintāstimitāṃ cakravākīmiva saddayadayanīyadaśākavalitāmityarthaḥ| upamānena nirantarākrandaikaśaraṇatvaṃ svajane'pyaratirniśāsu nidrānirāsa ityādiraneko'rtho vyajyate| tāṃ mama dvitīyaṃ jīvitaṃ jānīyā iti vidhinā na kaścidatra saṃśaya iti