Meghaduta p208

p208

atha patidevatāyāstasyāḥ svavirahasamayasamucitānyāpārānsaṃbhāvitānpratipādayan, tadanyatamavyagrā sā tava nayanagocaraṃ gamiṣyatītyāha— āloke te ityādi | āloke ālocane darśanagocara iti yāvat | nipatati purā nipatiṣyati, darśanapathamavatariṣyatītyarthaḥ | 'yāvatpurānipātayorlaṭ' iti laḍarthe laṭ | sā mama priyatamā | balivyākulā devatāviśeṣān girijāgirīśaprabhṛtīnācirasamāgamasaṃpādakānuddiśya pūjopahāravyagrā | vāśabdo vikalpe | matsāda‍ṛśyaṃ maccharīrapraticchandam | virahatanu viyogaduḥkhena kṛśam | tatkathaṃ tayā jñāyata iti cettatrāha—bhāvagamyaṃ manovṛttijñeyam, asyā daśāyā īdṛśaṃ taditi premavaśāt bhāvanayā paricchedyamityarthaḥ | likhantī tūlikayā citrapaṭādiṣvākārayituṃ prayatamānā, na tu likhitvā paśyantī| anena pravahadaśrupaṭalapihitanayanatvena sādhvasasvannasvinnakarakisalayatayā cāśakyelekhanamapyautsukyavaśātpunaḥ punarārabhamāṇeti dyotyate| pṛcchantī anuyuñjānā| madhuravacanāṃ śravaṇasubhagasaṃjalpitāmityanena priyatamāvacanasahacaratayā tadvacasāṃ tasyāḥ kṣaṇe kṣaṇe tadanusmārakatvena svakṣapātabhūmitvaṃ prakāśyate| śārikāṃ śukāṅganām| pañjarasthāṃ na punaḥ prakoṣṭhaniviṣṭām| anena nirvedāttāddaśaraseṣvanudyogo dhvanyate| kacit kimityarthaḥ| 'kaccidyaśce sāmavāde' iti vaijayantī| bhartuḥ smarasi madhuraphalamadhurasādibhistvatpoṣaṇaparasya pituḥ kiṃ smarasi| 'adhīgarthadayeśāṃ karmaṇi' iti karmaṇi ṣaṣṭhī| subhage saubhāgyaśālini| tadeva saubhāgyamāha-- tvaṃ hi tvaṃ tviti viśeṣārtho hiśabdaḥ; asmadādibhyo'pītyarthaḥ| priyā iṣṭā| atastvaṃ kaccitsmarasīti pṛcchantī vetyanvayaḥ|