Meghaduta p219

p219

atha tasyāstadānīntanaṃ virahavyathāyāḥ satītvasya manmathonmādasya cānuguṇaṃ samavasthānamanurāgātiśayavaśādutprekṣitaṃ caturbhiḥ ślokairvarṇayati— ādhikṣāmāmityādi | ādhikṣāmāṃ mānasaduḥkhasaṃsparśakṛśitām | virahaśayane viyogadaśāsamucite dharaṇīśayane | saṃniṣaṇṇaikapārśvāṃ samyaṅnilīnaikapārśvām | anena priyatamagatahṛdayatayā pārśvāntaraparivṛttiviraheṇa ekenaiva pārśvena likhitavadavasthānaṃ vyajyate | prācīmūle pūrvadiṅmukhe | tanuṃ mūrtim | kalāmātraśeṣāṃ kalā ṣoḍaśabhāga eva śiṣṭo yasyāḥ | 'mātraṃ kātsnye'vadhāraṇe' iti vaijayantī | suraparipītakalāntaratvādekakalātmikāmamāvāsyāyāmindumūrtimivetyarthaḥ | upamayā prakṛtikomalatvam , tāhaśe kṛśatve'pyaparimlalāvaṇyatvam , rasikajanahṛdayaśalyāyamānakaṣṭadaśāviśiṣṭatvaṃ ceṣṭatamāyā dyotyate | nītā ativāhitā | kṣaṇa iva nāḍikāyāḥ ṣaṣṭho bhāga iva,