Meghaduta p233

p233

atha dayitādaśādauḥ sthasya svānurāgahetukatayā svakṛtasya tadrṇanasya svasaubhāgyaślāghāparatvadoṣamāśaṅkya pariharati— jāne sakhyā ityādi | jāne bahuśaḥ parīkṣya niścinomi | tava sakhyāḥ nisargata eva pariśuddhaśīlatayā tava sakhīnyapadeśayogyāyā ityarthaḥ | manaḥ hṛdayameva; na tu gaṇikānāmiva vāgādibhirahṛdayapūrvakairvyāpārairjalatayā vañcitastāṃ snigdhāṃ jānāmītyarthaḥ | mayi saṃbhṛtasnehaṃ madviṣaye saṃpūrṇapremarasatvenābhedyam, 'ananyā rāghaveṇāhaṃ bhāskareṇa prabhā yathā' ityuktavat | asmāt ato hetoḥ | itthaṃbhūtāṃ evaṃprakāraviśiṣṭām | prathamavirahe iti | idaṃprathame viyoge; pūrvaṃ muhūrtamapi virahaduḥkhasyāviditatvāddaivadoṣādvādhīyasi tasminnupanate premārdramanasastasyā ito'pi dauḥsthyaṃ saṃbhāvyata iti bhāvaḥ, 'na tathā bādhyate