Meghaduta p259

p259

yām; mayāpi sakhyuḥ saṃlapeṣvadhigatam, na tvanubhūtāmiti bhāvaḥ | 'vārtāsaṃbhāvyayoḥ kila' iti vaijayantī | sakhīnāṃ purastāditi, niryantraṇamukhasparśānaucityahetuḥ | karṇe kathayitum | lolaḥ tṛṣṇātaralaḥ | lola ityanena capalo'yamiti tāsāṃ buddhayunmeṣamabhyanavekṣyeti dhvanyate | abhūditi, aho tat purāvṛttatvenedānīṃ kathāśeṣaṃ vartata iti dyotyate | ānanasparśalobhāt kṣaṇamātraṃ sparśanābhāvaṃ soḍhumadhīratayā | saḥ tādṛśānurāganigalitaḥ | atikrāntaḥ atilaṅghitavān | śravaṇaviṣayaṃ karṇābhyāṃ vṛttāntākarṇanagocaramapi, atidūravartitvāt | locanābhyāmadṛṣṭaḥ tathātve nayanābhyāṃ darśanasya kā vārtāpi | tvāṃ tādṛśīṃ bhavatīm | utkaṇṭhāviracitapadam autsukyena vividhagrathitaśabdam | manmukhena madrūpeṇa svena mukhena, mama tasya cābhedāt; atha vā madīyena mukhena | idaṃ vakṣyamāṇaṃ vacanam | āha brūte | atra virūpasaṃghaṭanātmakaṃ viṣamaṃ virodho vālaṃkāraḥ |