Meghaduta p265

p265

sadya iti vā | upacitaiḥ anubandhena pravṛttaiḥ | dṛṣṭiḥ cakṣuḥ | dṛṣṭiśabdena pratipādanaṃ darśanasaukṣmyasyaiva citrakarmaṇi prādhānyaṃ dyotayitum | ālipyate paridihyate ityanena yathā sudhādidravyopaliptatve bhittyāderatyantāntaritatvam, tathā dṛṣṭerapyaśrujalopalepottaptaśaktitvāt kathaṃ tatra pravṛttiriti sūcyate | me yo'hamanucintitapūrvavṛttāntatāntamanāḥ, tasya me ityarthaḥ | krūraḥ niraparādhavādhakaḥ kacitkadācidapyanupajātakaruṇākaṇaśletyanena sākṣātsaṃgamaṃ tāvanna sahatāṃ nāma, yena kenāpyupāyena kriyamāṇaṃ smaraśaramathitacetasoḥ saṃgamābhāsaṃ janaṃgamo'pi san ka iva na sahate hatavidhimantareṇeti daivaviṣayo manyuḥ prakāśyate | tasminnapi amukhye ālekhyarūpe'pi | saṃgamaṃ saṃśleṣam | nau āvayoḥ | kṛtāntaḥ kṛtaḥ nirmito viśeṣeṇa sarvasyāpyanto nāśo yena saḥ | atha vā kṛtasya svasṛṣṭasya prapañcasya pratisaṃhartā parameśvara ityenena niṣpratikāratvaṃ dhvanyate | atra tulyayogitālaṃkāraḥ |