Meghaduta p273

p273

athaivaṃ pratihatasakalasamāgamopāyo manmathaśaramathitacetastayā śakyāśakyavivekaśūnyāṃ svāṃ daśāmāha— saṃkṣipyeteti | saṃkṣipyeta hāsaṃ gacchet | kṣaṇo nāḍikāyāḥ ṣaṣṭho bhāgaḥ | kṣaṇa iva na tu yāma iva | anena meroḥ sarghapatvaprārthanavadativilakṣaṇavastuviṣayatvaṃ manorathasya dhvanyate | kathaṃ kena prakāreṇa, kasyopāyasyānuṣṭhānādityarthaḥ | dīrghayāmā nirvinodatayā nidrāvicchedācca dīrghībhūtā ivānapagacchanto yāmā yasyāḥ | dīrghayāmā, na tu dīrghetyanena avayavinyā yāminyā eva na kevalam, api tu tadavayavānāṃ yāmānāmapi na viritiriti dyotyate ; triyāmeti sotprāsaṃ vacanam; paraḥśatayāmāmimāṃ yāminīṃ triyāmeti kathaṃ kathayantīti bhāvaḥ | sarvāvasthāsu grīṣme śaradi madhyāhne ca | ahaḥ dinam | apiḥ samuccaye | mandamandātapaṃ nirūṣmatayā bhūśāpaṭubhūtaravikarodyotam, anyathā śītalataratvādāliṅganasukhānusmāraṇena yātanāvahatvāt | 'prakāre guṇavacanasya' iti dvirvacanam | atra triyāmāyāḥ svata eva virahijanasaṃtāpakaratvātsaṃkṣepasyaiva prārthanā; ahnastu vividhavyāpāravinodaśālitayā tīvrātapatva eva bādhakatvānmandamandātapatvāśaṃsanameveti mantavyam | itthamanena prakāreṇa | caṭulanayana iti, madvirahavedanāvihatadhṛtim ayu-